Ғолибони озмуни «Шоҳин» муайян гардиданд

Январь 6, 2022 14:00

ДУШАНБЕ, 06.01.2022 /АМИТ «Ховар»/. Дар шаҳри Конибодом озмуни «Шоҳин», ки бо ташаббуси Театри давлатии мусиқӣ-драмавии ба номи Туҳфа Фозилова ва дастгирии шарикони рушд эълон шуда буд, ҷамъбаст гардид, иттилоъ доданд аз хадамоти матбуоти вилояти Суғд ба АМИТ «Ховар».

Мақсади баргузории озмун дарёфти истеъдодҳои нав ва таблиғи санъат миёни наврасон маҳсуб мешавад.

Озмуни истеъдодҳои нав миёни наврасони аз 6 то 16-сола гузаронида шуда, даври асосии он тариқи онлайн дар шабакаи «Instagram» баргузор ва баҳогузорӣ шуд. Озмун аз рӯи бахшҳои «Ҳаҷвнигорӣ», «Сурудхонӣ», «Рақс» ва «Навозиши асбобҳои мусиқӣ» гузаронида шуда, дар натиҷаи овоздиҳӣ ва интихоби ҳайати ҳакамони озмун Дилшод Ҳомидов ҷойи аввал, Дилноза Бурҳониддинова ҷойи дуюм ва Олимҷон Алиев ҷойи сеюмро сазовор гардиданд.

Соҳибони ҷойи аввал бо ноутбук, ҷойи дуюм бо планшет ва ҷойи сеюм бо дучарха қадрдонӣ шуданд.

Зикр карда шуд, ки дар даври ниҳоии озмун бештар аз 30 нафар ширкат варзида, дар ниҳоят беҳтаринҳо муайян шуданд.

АКС аз Хадамоти матбуоти вилояти Суғд

Январь 6, 2022 14:00

Хабарҳои дигари ин бахш

Бахшида ба Рӯзи байналмилалии ҳифзи кӯдакон таҳти унвони «Пайравони Пешвои миллатем» ҳамоиш доир гардид
Нашриёти «Ирфон» се шоҳасари барҷаста: «Гулчини ғазалиёт» ва «Ҷоми ҷон»-и Ҷалолуддини Балхӣ ва «Тоҷикон»-и Бобоҷон Ғафуровро бо се забон ба нашр расонид
«ТОҶИКИСТОН-ВАТАНИ АЗИЗИ МАН». Дар даври дуюми озмуни ҷумҳуриявӣ 2755 довталаб иштирок мекунад
Намояндагони Департаменти бехатарии ҷамъиятии шаҳри Шанхайи Чин бо Осорхонаи таърихӣ-кишваршиносии вилояти Хатлон шинос гардиданд
Суратгузориш аз баргузории Рӯзҳои фарҳанги Ҷумҳурии Тоҷикистон дар Ҷумҳурии Озарбойҷон
«МАСЪАЛАҲОИ ФАРҲАНГИ МУОСИРИ БАДЕИИ ТОҶИК». Таҳти чунин унвон ба бузургдошти хотираи санъатшиноси тоҷик Саъдулло Раҳимов ҳамоиш доир шуд
Экспедитсияи бостоншиносӣ-геологӣ доир ба омӯзиши бошишгоҳҳои асри санги ноҳияи Ховалинг шуруъ гардид
Рӯзҳои синамои Тоҷикистон дар Озарбойҷон доир шуд
Рӯзҳои фарҳанги Тоҷикистон дар Озарбойҷон бо шаҳомати хосса баргузор гардид
Дар Озарбойҷон Рӯзҳои синамои Тоҷикистон доир гардид
ҶОЙГОҲИ ХОССАИ ҶАВОНОНИ ТОҶИКИСТОН. Сиёсати давлатии ҷавонон дар замони истиқлоли давлатӣ густариши бештар ёфтааст
Дар Душанбе масъалаи истифодаи технологияҳои муосир баррасӣ гардид