Дар Душанбе роҳҳои ҷалби омӯзгорон ба кор ва ҳавасгардонии онҳоро баррасӣ намуданд

Май 14, 2022 09:35

ДУШАНБЕ, 14.05.2022. /АМИТ «Ховар»/. Вақте расидааст, ки мо бояд бо назардошти зиёдшавии аҳолӣ — кӯдакони синни томактабӣ ва хонандагон, ба синни ниҳоии нафақа расидани омӯзгорон, тарки вазифа намудани бархе аз мутахассисон, фаъолияти омӯзгорони ғайриихтисосу ғайрипедагог вазъи воқеиро бо таҳлилҳо мушаххас ва аниқ намуда, то оғози соли таҳсили 2022-2023 тадбирҳои амалӣ андешем. Ин нукта зимни баргузории ҷаласаи ҳайати мушовараи Сарраёсати маорифи шаҳри Душанбе баён гардид, иттилоъ доданд дар сарраёсати мазкур.

Ҷаласа бо иштироки муовини Раиси шаҳри Душанбе Дилбар Одилзода, сардори Сарраёсати маорифи шаҳри Душанбе Баҳром Исмоилзода, аъзои мушовара, кормандони дастгоҳи марказии Сарраёсати маориф, мудирони шуъбаҳои маориф, роҳбарони муассисаҳои тобеи Сарраёсати маориф ва муассисаҳои таҳсилоти томактабӣ ва миёнаи умумии шаҳри Душанбе баргузор гардид.

Сардори Сарраёсати маорифи шаҳри Душанбе Баҳром Исмоилзода иброз дошт, ки баҳри аз рӯи ихтисос фаъолият намудан, ба курсҳои бозомӯзиву такмили маҳорату касбият фаро гирифтани омӯзгорону мураббиён вобаста ба синну сол, таҷриба ва собиқаи корӣ, ҷалби мутахассисони варзида ба фаъолият дар муассисаҳои таълимӣ, бо кор таъмин намудан, сарпарастӣ ва ҳавасманд гардонидани мутахассисони ҷавон – хатмкардагони муассисаҳои таҳсилоти олии касбии тамоюли омӯзгорӣ бояд то оғози соли таҳсили нав корбарӣ карда шавад.

«Имрӯз моро зарур аст, ки ба неруи зеҳнии кормандони соҳаи маориф мутобиқ ба давру замон такони ҷиддӣ бахшида, ба такмили муназзами маҳорати касбии омӯзгорону мураббиён, ки талаботи кӯдак ва хонандаи муосирро қонеъ гардонида метавонад, муваффақ гардем», илова намуд мавсуф.


Дар ҷаласа масъалаҳои «Оид ба вазъи таълими фанҳои физика, алгебра, технологияи иттилоотӣ ва риояи меъёри баҳогузорӣ дар муассисаҳои таълимии №22, 23, 43, 46, 48, 75, 89 ва 113» аз ҷониби сардори раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода, «Оид ба таҳлили фаъолияти муассисаҳои таҳсилоти томактабии №45, 58, 71, 77, 132 ва 151 дар самти иҷрои «Стратегияи муқовимат бо коррупсия дар Ҷумҳурии Тоҷикистон барои давраи то соли 2030, марҳилаи якум (солҳои 2021-2025)» дар шаҳри Душанбе барои соли 2022» аз ҷониби мудири шуъбаи банақшагирӣ, ояндабинӣ, таҳияю иҷрои буҷет ва таъминоти моддӣ-техникии Сарраёсати маорифи шаҳри Душанбе Абдураҳим Каримов ва «Ҷараёни татбиқи Созишномаи минтақавӣ байни Сарраёсати маорифи шаҳри Душанбе ва Кумитаи иттифоқи касабаи кормандони соҳаи маорифи шаҳри Душанбе барои солҳои 2021-2023» аз ҷониби раиси Кумитаи иттифоқи касабаи кормандони соҳаи маорифи шаҳри Душанбе Нигина Ҷураева, инчунин баъзе масъалаҳои мубрами соҳа мавриди таҳлилу баррасӣ қарор дода шуданд.

Таъкид гардид, ки сифати таҳсил дар ҷамъбасти чоряки якуми соли таҳсили 2021-2022 дар муассисаҳои таълимӣ ба 37,9% баробар буда, дараҷаи азхудкунии барномаҳои таълимӣ аз ҷониби хонандагони муассисаҳои таълимӣ 94,4%-ро ташкил дод, ки ин нишондиҳанда дар чоряки дуюм мутаносибан ба 41,9% ва 96,1% баробар шуд. Дар ҷамъбасти чоряки сеюм сифати таҳсилот ба 43,4 ва дараҷаи азхудкунӣ ба 96,8 баробар буд.

Роҳбарони муассисаҳои таълимиро зарур аст, ки дар ҷамъбасти чоряки чорум нишондиҳавндаҳои қайдгаштаро ба назар гирифта, бо таҳлили амиқ соли таҳсилро ҷамъбаст намоянд.

Дар охир муовини Раиси шаҳри Душанбе Дилбар Одилзода ба музокира баромада, андешаҳои худро доир ба масъалаи баррасишаванда иброз намуд.

АКС: Сарраёсати маорифи шаҳри Душанбе

Май 14, 2022 09:35

Хабарҳои дигари ин бахш

Доир ба имзои Созишномаи ҳамкорӣ дар соҳаи маориф миёни Тоҷикистон ва Япония пешниҳодҳо ироа гардиданд
Дар Вазорати маориф ва илм масоили қабули хонандагону омӯзгорон ба мактабҳои Русия ва Тоҷикистон баррасӣ шуд
«ҲАРАКАТИ ЭҶОДИИ НАВИСАНДАГОНИ МУОСИРИ ТОҶИК». Хонандаи шаҳри Душанбе Садафмоҳ Азимова ғолиби ин озмун гардид
Вазорати маориф ва илм барои қабули омӯзгорону хонандагон ба муассисаҳои Русия ва Тоҷикистон озмун эълон менамояд
МАРКАЗИ МИЛЛИИ ТЕСТӢ: Аз 10 то 30 июн марҳилаи иловагии бақайдгирии довталабон барои иштирок дар имтиҳонҳои марказонидаи дохилшавӣ доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон ба бунёди мактаб барои хонандагони болаёқат ва бинои Нозироти андоз санги асос гузошта шуд
«Таҳсилоти фосилавӣ: воқеият ва дурнамо». Таҳти чунин унвон конференсияи ҷумҳуриявӣ доир шуд
Маркази барномаҳои байналмилалӣ: ҳуҷҷатсупорӣ барои бурсияҳои таҳсилии Қазоқистон ва Беларус оғоз гардид
Хатмкунандагони Донишгоҳи давлатии омӯзгории Тоҷикистон ба муассисаҳои таълимии шаҳру навоҳии кишвар тақсим ва сафарбар карда мешаванд
Маркази миллии тестӣ маблағи барои хизматрасонӣ дар имтиҳонҳои марказонидаи дохилшавӣ пардохтнамудаи баъзе довталабонро бармегардонад
ОЛИМПИАДАИ БАЙНАЛМИЛАЛИИ «KANGAROO». Хонандагони Мактаби президентии Бӯстон сазовори 296 медал шуданд
Дар се моҳи соли 2022 дар Тоҷикистон 5 мактаб ба истифода дода шуд