Дар Федератсияи иттифоқҳои касабаи мустақили Тоҷикистон оид ба омӯзиши китоби «Тоҷикон» ҳамоиш гузаронида шуд
ДУШАНБЕ, 22.05.2022 /АМИТ «Ховар»/. Дар Федератсияи иттифоқҳои касабаи мустақили Тоҷикистон ҳамоиши омӯзиши китоби Бобоҷон Ғаффуров “Тоҷикон” баргузор гардид, хабар медиҳад АМИТ “Ховар” бо истинод ба Федератсияи иттифоқҳои касабаи мустақили Тоҷикистон.
Дар ҳамоиш олимону донишмандон, кормандони дастгоҳи марказии Федератсия, кумитаҳои соҳавӣ ва намояндагони ВАО иштирок намуданд.
Раиси Федератсияи иттифоқҳои касабаи мустақили Тоҷикистон Маликшо Неъматзода роҷеъ ба шоҳасари олими маъруфи тоҷик Бобоҷон Ғафуров “Тоҷикон” иброз дошт, ки “Президенти мамлакат муҳтарам Эмомалӣ Раҳмон баҳри тақвияти маорифу фарҳанг, худшиносию худогоҳии миллӣ аҳамияти аввалиндараҷа медиҳанд. Нашри китоби «Тоҷикон» ва дастрас кардани он ба ҳар оилаи кишвар иқдоми ватандӯстонаи Пешвои миллат муҳтарам Эмомалӣ Раҳмон буда, дар роҳи дарки худогоҳиву худшиносии наврасону ҷавонон нақши босазо мегузорад. Ҳоло китоби “Тоҷикон” китоби рӯимизии ҳар оилаи Тоҷикистон гаштааст. Ба ибораи дигар, китоби “Тоҷикон»-шиносномаи таърих ва тамаддуни миллати тоҷик аст”.
Дар ҳузури иштирокчиён устоди Донишгоҳи миллии Тоҷикистон, профессор Сайфулло Муллоҷон ва устоди Академияи давлатии идоракунии назди Президенти Ҷумҳурии Тоҷикистон Баҳриддин Ализода оид ба аҳамияти беназири ин асар дар ташаккули тафаккури миллӣ ҳарф зада, бобҳои алоҳидаи онро шарҳу тавзеҳ доданд.
Зикр шуд, ки арзиши илмии ин асари бунёдӣ бениҳоят бузург аст. Дар ҳақиқат ҳам Бобоҷон Ғафуров бо заҳмати чандинсолаи худ мо ва мардуми ҷаҳонро бо саҳифаҳои таърихи рангини миллатамон шинос кард. Натиҷаи асосии заҳматҳои бисёрсолаи академик Бобоҷон Ғафуров дар соҳаи таърихнигорӣ он аст, ки ӯ исбот намуд, ки халқи тоҷик қадимтарин халқи Осиёи Миёна ва ориёӣ мебошад.
Бобоҷон Ғафуров фарзанди маҳбуби Ватан ва халқи тоҷик аст. Бо итминон гуфта метавонем, ки номи неки ин абармарди таърихнигори халқу миллат то абад дар хотири наслҳои миллати куҳанбунёд, фарҳангӣ ва тамаддунсози тоҷик зинда хоҳад монд.
Акс: ФИКМТ
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
Байни нашрияи «Народная газета» ва Медиакорпоратсияи Чин Ёддошти ҳамкорӣ ба имзо расид
Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
Дар Китобхонаи миллӣ китобномаи шарҳиҳолии Шоири халқии Тоҷикистон Ашӯр Сафар рӯнамоӣ гардид
