Дар семоҳаи аввали соли 2022 аз ҳисоби андозҳо ва дигар пардохтҳои ҳатмӣ ба буҷети давлатӣ беш аз 3,5 млрд сомонӣ ворид карда шуд

Май 2, 2022 13:57

ДУШАНБЕ, 02.05.2022 /АМИТ «Ховар»/. Нақшаи андозҳо ва дигар пардохтҳои ҳатмӣ дар семоҳаи аввали соли 2022 ба андозаи 103,3% таъмин гардида, ба ҷойи 3 млрд 451 млн сомонӣ ба буҷети давлатӣ 3 млрд 565,6 млн сомонӣ ворид карда шуд, ки нисбат ба нишондиҳандаҳои пешбинишуда 114,6 млн сомонӣ зиёд мебошад. Дар ин бора ба АМИТ «Ховар» дар Кумитаи андози назди Ҳукумати Ҷумҳурии Тоҷикистон хабар доданд.

Дар ин давра иҷрои нақшаи андозҳо ва пардохтҳо дар Вилояти Мухтори Кӯҳистони Бадахшон ба андозаи 106,3%, вилояти Хатлон 101,8%, вилояти Суғд 106,1%, шаҳри Душанбе 102,1% ва шаҳру ноҳияҳои тобеи ҷумҳурӣ дар маҷмӯъ 102,6% таъмин карда шуд.

Инчунин дар семоҳаи аввали соли равон аз ҷониби Кумитаи андоз дар натиҷаи анҷом додани ҳама намуд корҳои назоратӣ аз ҳисоби кам ҳисоб кардан ва пинҳонкунии андозҳо дар маҷмӯъ 484 млн сомонӣ маблағи андозҳо ошкор карда шуд.

Аз ҳисоби маблағҳои дар натиҷаи корҳои назоратӣ ошкоршуда бо дарназардошти маблағи бақияи солҳои қаблӣ ба буҷет 375 млн сомонӣ ворид карда шуд, ки нисбат ба ҳамин давраи соли гузашта 50 млн сомонӣ зиёд буда, ҷиҳати ислоҳи камбудиҳои ошкоршуда ва ба буҷет ворид намудани маблағҳо чораҷӯиҳо идома доранд.

АКС аз манбаъҳои боз

Май 2, 2022 13:57

Хабарҳои дигари ин бахш

Дар ноҳияи Ёвон беш аз 22 ҳазор тонна маҳсулоти ғаладонагӣ ҷамъоварӣ гардидааст
Эмомалӣ Раҳмон: «Ҳаҷми истеҳсоли маҳсулоти саноатӣ дар Вилояти Мухтори Кӯҳистони Бадахшон соли 2024 ба беш аз 307 миллион сомонӣ расид»
Шумораи субъектҳои соҳибкорӣ дар Вилояти Мухтори Кӯҳистони Бадахшон ба 11 ҳазор расид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад