Дастаи наврасони Тоҷикистон оид ба футбол дар чемпионати CAFA-2022 медали биринҷӣ ба даст овард

Май 21, 2022 10:21

ДУШАНБЕ, 21.05.2022 /АМИТ «Ховар»/. 20 май мусобиқаи чемпионати Ассотсиатсияи футболи Осиёи Марказӣ (CAFA) дар шаҳри Душанбе ба анҷом расид. Дар рӯзи охири мусобиқа дастаи наврасони Тоҷикистон (U-16) таҳти роҳбарии Зайниддин Раҳимов бо ҳамсолони худ аз Эрон бозӣ  карданд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Барои ба даст овардани ҷоми мусобиқа дастаҳои наврасони Узбекистон ва Эрон то даври 5-ум мубориза бурданд. Наврасони Узбекистон дар бозии охир бо ҳисоби 3 бар 2 наврасони Қирғизистонро мағлуб карданд.

Ҳамин тавр, аз рӯи таносуби тӯбҳо ва имтиёзи якхела (10 имтиёзӣ) наврасони то 16 солаи Эрон чемпиони мусобиқа гардиданд.  Наврасони то 16 солаи Узбекистон нишони нуқра ва наврсони то 16 солаи Тоҷикистон нишони биринҷии мусобиқаро соҳиб шуданд. Дастаҳои Афғонистон ва Қирғизистон бо касби камтари имтиёзҳо дар зинаҳои 4-ум ва 5-ум мутаносибан ҷой гирифтанд.

Ҳама бозиҳои чемпионати CAFA давоми як ҳафта дар Варзишгоҳи марказии шаҳри Душанбе гузаронида шуданд.

Чемпионати CAFA-202 (U-16)

 Даври 5

 20 май (ҷумъа)

18:00 –  Қирғизистон 2:3  Узбекистон

21:00 – ТОҶИКИСТОН 0:7 Эрон

 Душанбе, Варзишгоҳи марказии ҷумҳуриявӣ

Акс: ФФТ

Май 21, 2022 10:21

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад