Туҳфаҳои Пешвои миллат ба иштирокчиёни Ҷанги дуюми ҷаҳонии шаҳри Ҳисор расонида шуданд
ДУШАНБЕ, 05.05.2022. /АМИТ «Ховар»/. Имрӯз дар шаҳри Ҳисор сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон Гулҷаҳон Абдуфатоҳзода ва раиси шаҳр Қосим Роҳбар ба се нафар иштирокчиёни Ҷанги дуюми ҷаҳонӣ Сироҷиддин Ҷалолов, Раҷаб Исмонов ва Карим Рашид кумакҳои моддии Пешвои миллат, Президенти мамлакат муҳтарам Эмомалӣ Раҳмонро расониданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор хабар медиҳад.
Ба ҳар як иштирокчӣ ва маъюби ҷанг кумакҳои пулию молӣ, аз ҷумла маблағи 15 000 сомонӣ аз номи Пешвои миллат тақдим гардид. Ҳамчунин аз ҷониби Мақомоти иҷроияи ҳокимияти давлати шаҳр, ҷамоатҳои шаҳраку деҳот ва дигар шахсони саховатпеша маблағҳои пулӣ ва маводи хӯрока дастрас карда шуданд.
Зимни расонидани кумак таъкид гардид, ки таҷлил аз иди Ғалаба дар Ҷумҳурии Тоҷикистон нишона аз корнамоиву ҷоннисориҳои фарзандони ин сарзамин аст, ки дар ёду хотираҳо то ҳол нақш баставу эҳтирому самимияти мардуми кишварро сазовор мебошанд. Хизматҳои ин фарзонафарзандони миллат ҳеҷ гоҳ фаромўш намешавад ва кору пайкори онҳо барои насли наврас барои ҳамешагӣ намунаи мактаби ҷасорату мардонагӣ боқӣ мемонад.
Иштирокчиёни Ҷанги дуюми ҷаҳонӣ ба Пешвои миллат муҳтарам Эмомалӣ Раҳмон ҷиҳати дастгириву ғамхориҳо ва таваҷҷуҳи хоси пайваста нисбат ба онҳо, собиқадорони меҳнат, ятимону бепарасторон бо самимият ва эҳтиром изҳори минатдорӣ намуда, барои сулҳу субот, ободию пешрафти мамлакат дар ҳаққи Роҳбари давлат дуои нек карданд.
Ҳамчунин дар ҳавлии иштирокчиёни ҷанг аз ҷониби хонандагони муассисаи таҳсилоти миёнаи умумии рақами 1-и ба номи Мирзо Турсунзода барномаи консертӣ пешниҳод шуда, наврасон бо ёдоварӣ аз сурудҳои маъмули даврони ҷанг «Катюша», «Рўзи Ғалаба» («День Победы») ва ғайраҳо порчаҳо сароиданд ва хотири иштирокчиёни ҷангро шод гардониданд.
Бояд тазаккур дод, ки аз шаҳри Ҳисор дар Ҷанги дуюми ҷаҳонӣ беш аз 10 ҳазор нафар иштирок карда, зиёда аз 4 ҳазор нафар фавтидаанд.
АКС: Мақомоти иҷроияи ҳокимияти давлатии шаҳри Ҳисор
Дар Душанбе татбиқи «Барномаи таълим дар соҳаи ҳуқуқи инсон барои солҳои 2022-2026»-ро мавриди баррасӣ қарор доданд
Бинои хобгоҳи донишҷӯёни Донишгоҳи давлатии Бохтар барои 460 нафар пешбинӣ шудааст
«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
Ба кӯдакони ятим ва ниёзманди ноҳияи Ёвон кумак расонида шуд
Ҷаласаи якуми Шурои ҷамъиятии «Занони Тоҷикистон» баргузор гардид
«ЭМОМАЛӢ РАҲМОН — ПЕШВОИ СУЛҲОФАР». Таҳти чунин унвон ҳамоиш баргузор гардид
«ЗАНОН — ДАР МЕҲВАРИ ПАЁМ». Дар Душанбе ҳамоиши занону духтарон баргузор гардид
Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Раванди ислоҳоти низоми тандурустӣ то соли 2030 баррасӣ гардид
МАСЛИҲАТИ МУТАХАССИС. Омилҳои пайдоиши диабети қанд ирсӣ, фарбеҳӣ ва фишорбаландӣ мебошанд
Оид ба барномаи ислоҳоти маблағгузории тандурустӣ вохӯрӣ баргузор шуд
