Корхонаи хурди дӯзандагии ноҳияи Ишкошим бо дастгоҳу таҷҳизоти зарурӣ таъмин мешавад
ДУШАНБЕ, 30.06.2022 /АМИТ «Ховар»/. 29 июн Вазири саноат ва технологияҳои нави Ҷумҳурии Тоҷикистон Шералӣ Кабир ва Раиси Вилояти Мухтори Кӯҳистони Бадахшон Алишер Мирзонабот ба ноҳияи Ишкошим сафари корӣ анҷом дода, дар деҳаи Рини Ҷамоати деҳоти ба номи Рустамбек Юсуфбеков бо ҷараёни фаъолияти корхонаи хурди дӯзандагӣ аз наздик шинос шуданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Ишкошим хабар медиҳад.
Роҳбари корхона Малика Боракова иттилоъ дод, ки дар коргоҳ айни ҳол 6 нафар бо ҷойи корӣ таъмин мебошанд. Вобаста ба дӯхти либоси мактабӣ зикр гардид, ки корхона дар ин самт ба дастгоҳу таҷҳизоти зарурӣ эҳтиёҷ дорад.
Шералӣ Кабир иброз кард, ки корхонаи мазкур дар таъмин гардидан бо дастгоҳу таҷҳизоти зарурӣ аз ҷониби Вазорати саноат ва технологияҳои нав дастгирӣ хоҳад ёфт.
Ҳамчунин гуфта шуд, ки ҷиҳати аз худ намудани нозукиҳои кори дӯхти либоси мактабӣ дар доираи дастгириҳо 3 нафар барои омӯзиш ба корхонаи дӯзандагии ноҳияи Дарвоз фаро гирифта мешаванд.
Номбурдагон инчунин дар деҳаи Дашти Ҷамоати деҳоти ба номи Рустамбек Юсуфбеков аз корхонаи коркарди «Ангат» дидан намуданд. Вазири саноат ва технологияҳои нав зимни боздид иброз дошт, ки ҷиҳати бозоргир гардидани маҳсулоти ангат корхона дастгирӣ меёбад ва баҳри ҳамкории дуҷониба миёни корхонаи коркарди «Ангат»-и ноҳияи Ишкошим бо корхонаи коркарди ноҳияи Дарвоз тавсияҳои муфид дода шуд.
Гурўҳи корӣ ҳамзамон зимни сафар ба ноҳияи Ишкошим дар деҳаи Авҷи Ҷамоати деҳоти ба номи Рустамбек Юсуфбеков аз корхонаи коркарди гиёҳҳои дорувории табиб Ширинбек Давлатмамадов дидан намуда, бо заминҳои кишти картошкаи деҳаи Дашт ва ҷараёни корҳои сохтмонии муассисаи таҳсилоти миёнаи умумии №13-и деҳаи Птупи Ҷамоати деҳоти Птуп ошноӣ пайдо кард ва вобаста ба босифат анҷом додани корҳои сохтмонӣ бо массулин суҳбат анҷом дод.
АКС: Мақомоти иҷроияи ҳокимияти давлатии ноҳияи Ишкошим
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд
Пешвои миллат Эмомалӣ Раҳмон дар деҳоти Сӯҷинаи шаҳри Панҷакент корхонаи истеҳсоли шиферро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 4 корхонаи саноатӣ, 2 муассисаи таҳсилоти миёнаи умумӣ ва 6 кӯдакистонро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ ба таври маҷозӣ ба корҳои сохтмонии корхонаи Ҷамъияти саҳомии кушодаи «Паҳндара Майнинг» оғоз бахшиданд
Тибқи Стратегияи рушди саноати нассоҷӣ дар Тоҷикистон беш аз 600 ҳазор ҷойи кор таъсис дода мешавад
