Меҳмонон ва иштирокдорони Конфронси дуюми байналмилалии сатҳи баланд оид ба об аз ноҳияи Варзоб боздид карданд
ДУШАНБЕ, 09.06.2022 /АМИТ «Ховар»/. Имрӯз меҳмонон ва иштирокдорони Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028», ки аз 6 то 9 июни соли равон дар Душанбе баргузор гардид, аз ноҳияи Варзоб, ки он дар қисмати шимолии шаҳри Душанбе ҷойгир шудааст ва бо табиати зебо, куҳҳои осмонбӯс, обҳои мусаффо ва шифобахшаш диққати сокинони оламро ба худ ҷалб намудааст, дидан карданд.
Нахуст меҳмонон аз истироҳатгоҳи «Хоҷа обигарм», ки он дар баландии 1740—1960 метр ҷойгир аст, боздид намуданд. Манзараҳои зебои гирду атрофи ин истироҳатгоҳ дили меҳмононро тасхир кард. Дар ин ҷо меҳмонон инчунин аз гулу гиёҳҳои дармонбахши Тоҷикистон харидорӣ намуданд.
Сипас меҳмонон аз намоишгоҳи ҳунарҳои мардумӣ, ки он дар Маҷмааи истироҳатӣ-фароғатии «Кохи Малика» ташкил шуда буд, боздид намуданд ва бо шароиту имкониятҳои истироҳат дар Маҷмааи мазкур шинос гардиданд.
Бояд тазаккур дод, ки меҳмонону иштирокдорони конфронс ҳамзамон аз неругоҳҳои барқии обии «Роғун», «Норак», мавзеъҳои таърихию фарҳангӣ ва истироҳатии Душанбе ва Ҳисор боздид намуда, бо захираҳои бой ва иқтидори обию энергетикӣ ва ёдгориҳои бостониву фарҳангии Тоҷикистон шинос гардиданд ва таассуроти нек бардоштанд.
София ШОИК,
АМИТ «Ховар»
Душанбе-Варзоб-Душанбе
АКС: АМИТ «Ховар»
Ширкатҳои сайёҳии Тоҷикистон дар Намоишгоҳи байналмилалии «Bishkek International Tourism Fair 2026» иштирок намуданд
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Ба муносибати Рӯзи пойтахт хатсайри сайёҳии «Сайри шомгоҳии Душанбе» ташкил карда мешавад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
