Барно Саидвализода: тайи чор сол сатҳи иҷрои санадҳои судӣ ва асноди мақомоти дигари давлатӣ қариб 50 фоиз боло рафтааст
ДУШАНБЕ, 20.07.2022. /АМИТ «Ховар»/. Дар муддати чор соли фаъолияти Хадамоти иҷрои назди Ҳукумати Ҷумҳурии Тоҷикистон иҷрои санадҳои судӣ ва асноди мақомоти дигари давлатӣ қариб 50 фоиз боло рафтааст. Дар ин бора имрӯз зимни нишасти матбуотӣ Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода дар посух ба саволи хабарнигори АМИТ «Ховар» баён дошт.
Ба гуфти Барно Саидвализода, дар давраи начандон тӯлонии фаъолият Хадамот ба натиҷаҳои назаррас ноил гардида, сифати иҷрои санадҳои судӣ низ беҳтар шудааст. Яке аз самтҳои фаъолияти Хадамот- ситонидани маблағи алимент мебошад, ки аз солҳои пешин дар маҷмӯъ 96 ҳазору 409 адад ҳуҷҷатҳои иҷро вобаста ба ситонидани маблағи алимент дар баррасии иҷрочиён қарор доранд. Аз ҷониби иҷрочиён ба манфиати модару кӯдак зиёда аз 20,1 миллион сомонӣ маблағи алимент ситонида шудааст, ки назар ба ҳамин давраи соли гузашта 7,4 миллион сомонӣ зиёд мебошад.
«Бинобар барқасдона саркашӣ намудани қарздорон аз пардохти маблағи алимент нисбат ба 421 нафари онҳотибқи талаботи моддаи 177 Кодекси Ҷиноии Ҷумҳурии Тоҷикистон парвандаҳои ҷиноятӣ оғоз гардидаанд», — илова намуд сардори Хадамоти иҷро.
Ба зикри мавсуф, бо мақсади пешгирии ҳолатҳои ҷудошавии оилаҳои ҷавон ва дар ҳамин замина саркашӣ накардани онҳо аз пардохти алимент, оид ба ворид намудани қарздорон ба махзани низоми ягонаи идоракунии сарҳад ва раводид ҷиҳати баромада нарафтани онҳо аз ҳудуди Ҷумҳурии Тоҷикистон барномаҳои таблиғотӣ таҳия гардидаанд, ки нашру пахши онҳо тавассути ВАО ба роҳ монда шудааст.
Хотиррасон мешавем, ки Хадамоти иҷрои назди Ҳукумати Ҷумҳурии Тоҷикистон бо қарори Ҳукумати Ҷумҳурии Тоҷикистон 21 июли соли 2018 таъсис ёфта, воҳидҳои кории судиҷрочиён ба тобеияти он гузаштаанд.
Зарангези ЛАТИФ,
АМИТ «Ховар»
АКС: АМИТ «Ховар»
Дар маркази вилояти Хатлон маросими гусели наваскарон ба сафи Қувваҳои Мусаллаҳ доир гардид
МАН МОДАРАМ, ХОҲАРАМ, ВАТАНАМРО ҲИМОЯ МЕКУНАМ! Дар Истаравшан баъди «кулчагазон» наваскаронро ба сафи Артиши миллӣ гусел намуданд
Оилаи Шодиевҳо аз ноҳияи Рӯдакӣ дар мавсими даъвати тирамоҳӣ 2 нафар ва дар маҷмуъ 4 фарзанди худро ба хизмати ҳарбӣ равона намудаанд
«Хизмати Ватан-Модар қарзи имонӣ ва ҷавонмардии ҳар яки мо аст!»,- бардошт аз гусели наваскарон дар Файзобод
ИҶРОИ ҚАРЗИ ФАРЗАНДӢ! Ҷавонони бонангу номуси шаҳри Бӯстон ҳам ба сафи Қувваҳои Мусаллаҳ шомил шуданд
МАН БА ХИЗМАТИ ВАТАН ОМОДААМ! Ҷавонони шаҳри Ваҳдат ба таври ихтиёрӣ ба сафи Артиши миллӣ шомил гардиданд
«МО ҲОМИИ ВАТАН!». Ба ифтихори Рӯзи даъватшаванда дар ноҳияи Ёвон роҳпаймоии ҷавонон ва хизматчиёни ҳарбӣ баргузор шуд
ҲОМИЁНИ ДАВЛАТИ ОБОДЕМ! Дар ноҳияи Ашт маъракаи даъвати тирамоҳӣ оғоз гардид
Дар ноҳияи Данғара маъракаи даъвати тирамоҳӣ дар рӯзи аввал анҷом ёфт
Ҷаласаи муштараки навбатии байниҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ баргузор шуд
Дар Рӯзи даъватшаванда аз Кӯшониён ҷавонони зиёде ихтиёрӣ ба сафи Қувваҳои Мусаллаҳи Тоҷикистон ҷалб гардиданд
Аъзои фаъоли Ҳизби Халқии Демократии Тоҷикистон ба таври ихтиёрӣ ба сафи Қуввваҳои Мусаллаҳ пайваст шуданд
