Нисфи хатмкунандагони филиали Донишгоҳи давлатии Москва дар шаҳри Душанбе муваффақона бо кор таъмин мешаванд
ДУШАНБЕ, 31.07.2022 /АМИТ «Ховар»/. Тибқи таҳлилҳо, зиёда аз нисфи хатмкунандагони филиали Донишгоҳи давлатии Москва ба номи М.Ломоносов дар шаҳри Душанбе муваффақона бо кор таъмин мешаванд. Дар ин бора директори иҷроияи филиали Донишгоҳи мазкур Рустам Ғаниев 27 июл зимни нишасти матбуотӣ оид ба ҷамъбасти фаъолият дар шашмоҳаи аввали соли 2022 иттилоъ дод.
Директори иҷроия иброз дошт, ки бо кор таъмин намудани хатмкунандагон пас аз таҳсил на танҳо барои донишҷӯён, балки барои ҳар муассисае, ки хатмкунандагони он соҳиби диплом гардидаанд, яке аз самтҳои муҳим маҳсуб мешавад. Фаъолият дар самти бо кор таъминкунӣ ва самтгирии касбии хатмкунандагон аз ҷониби мудири таҷрибаомӯзӣ ва кор бо мутахассисони ҷавон, мутахассисони шуъбаи таъмини методии раванди таълим ва мониторинги сифати таҳсилот ва шуъбаи илм, инноватсия, муносибатҳои байналхалқӣ ва таъбу нашр, инчунин мудирони кафедраҳо амалӣ карда мешавад.
Зикр шуд, ки донишҷӯёни Филиал аз рӯйи шаш равия: математикаи амалӣ ва информатика, химия, физика ва механикаи мавод, геология, идоракунии давлатӣ ва мунисипалӣ, муносибатҳои байналхалқӣ ва лингвистика» таълим мегиранд.
Ҳамаи барномаҳои таълимии зикргардида аз аккредитатсия гузашта, ташхиси мазмун ва сифати омодагии таҳсилгирандагон тибқи шаш барномаи таълимӣ (дараҷаи бакалавриат) анҷом дода шудааст.
Раъно НУСРАТУЛЛО,
АМИТ «Ховар»
АКС: АМИТ «Ховар»
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ба радифи донишгоҳҳои беҳтарини ҷаҳон дохил гардид
Дар Донишгоҳи давлатии Хуҷанд 24 ихтисоси нав таъсис ёфт
