Дар Маркази миллии патенту иттилоот бахшида ба Рӯзи ихтироъкорон ва навоварон ҳамоиш доир шуд
ДУШАНБЕ, 19.08.2022 /АМИТ «Ховар»/. Бахшида ба Рӯзи ихтироъкорон ва навоварон, ки ҳамасола якшанбеи сеюми моҳи август таҷлил мешавад, имрӯз дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бо иштироки роҳбарият, кормандони муассиса ва ихтироъкорон ҳамоиши тантанавӣ баргузор шуд, хабар доданд ба АМИТ «Ховар» дар Муассисаи давлатии «Маркази миллии патенту иттилоот».
Дар ҳамоиш Директори МД «Маркази миллии патенту иттилоот»-и Вазорати рушди иқтисод ва савдо Мирзо Исмоилзода зикр намуд, ки моликияти зеҳнӣ яке аз сарватҳои пурарзиштарини мамлакат ва пояи муҳимтарини иқтисодиёт ба ҳисоб рафта, Ҳукумати мамлакат зери таваҷҷуҳи бевоситаи Асосгузори сулҳу ваҳлати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба он диққати махсус медиҳад.
Бо шарофати имконияти фароҳамовардаи Истиқлолияти давлатӣ ва андешидани тадбирҳои судманд аз ҷониби Президенти Ҷумҳурии Тоҷикистон майлу рағбати ҷавонон ба омӯзиши илмҳои дақиқ ва ихтироъкорию навоварӣ сол аз сол зиёд гардида истодааст. Зеро, бо назардошти ворид шудани Ҷумҳурии Тоҷикистон ба марҳилаи нави рушд, яъне давраи саноатикунонии босуръати мамлакат талабот ва таваҷҷуҳ ба соҳаҳои илм, маориф, инноватсия, ихтироъкорӣ, махсусан ба татбиқи ихтироот дар истеҳсолот рӯз ба рӯз афзоиш меёбад.
«Имрӯзҳо Маркази миллии патенту иттилооти Вазорати рушди иқтисод ва савдо дар асоси дастуру супоришҳои Президенти мамлакат муҳтарам Эмомалӣ Раҳмон оид ба ҳавасмандгардонӣ ва дастгирии ихтироъкорон ва беҳтар намудани сифати экспертизаи ихтироот бо ҷалби коршиносони мустақил аз тамоми воситаҳои имконпазир истифода мебарад. Бахусус, мунтазам озмуни ихтироъкори беҳтарин барои давраҳои муайян гузаронида шуда, дар доираи он ҳамасола шумораи зиёди ихтироъкорон барои дастовардҳои назаррасашон бо медали ташкилоти минтақавию байналмилалӣ, нишонҳои муассиса ва мукофотҳо қадрдонӣ карда мешаванд.
Иштироки ҷавонони навовар ва ихтироъкорон дар озмунҳои байналмилалӣ барои баланд бардоштани шавқу рағбати онҳо ба фаъолияти навоварию ихтироъкорӣ мусоидат менамояд»,- гуфт Мирзо Исмоилзода.
Дар фарҷоми ҳамоиш ба ихтироъкорон туҳфаҳои хотиравӣ супорида шуданд.
АКС: МД «Маркази миллии патенту иттилоот»
Дар Тоҷикистон наздикӣ 1000 адад гармхонаҳои доимамалкунанда фаъолият мекунанд
Бонки аврупоии таҷдид ва рушд омодагии худро ҷиҳати татбиқи лоиҳаҳои нав дар вилояти Суғд баён дошт
Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
Дар корхонаи муштараки «Зарафшон» 3000 нафар сокинони маҳаллӣ фаъолият менамоянд
Гардиши савдои хориҷии Тоҷикистон бо Швейтсария 49,8 миллион долларро ташкил дод
Дар Хоруғ Форуми байналмилалии сармоягузории «Помиринвест -2025» баргузор мешавад
Дар Душанбе Форуми соҳибкорони Тоҷикистону Қирғизистон баргузор мешавад
Намояндаи Бонки миллии Тоҷикистон дар нишасти солонаи Шурои хизматрасониҳои молиявии исломӣ иштирок намуд
Байни Тоҷикистон ва Фонди Саудии Рушд дар ҳаҷми 30 миллион доллари амрикоӣ созишномаи қарзӣ ба имзо расид
Гурӯҳи коршиносон ба ҷаласаи шашуми СҲШ оид ба ҳифзи муҳити зист омодагӣ мегирад
Ҷаласаи Ситоди ҷумҳуриявӣ оид ба сари вақт омода намудани соҳаҳои иқтисодиёт ва иҷтимоиёти Тоҷикистон ба давраи тирамоҳу зимистон баргузор шуд
Бонки миллии Тоҷикистон ба «Mooр Стивенс» барои фаъолияти аудиторӣ иҷозатнома дод
