ФУТБОЛ. «Истиқлол» нахустин ғолиби Ҷоми «Ҷавонӣ» гардид

Август 1, 2022 10:48

ДУШАНБЕ, 01.08.2022 /АМИТ «Ховар»/. Ҳайати ҷавонони дастаи футболи «Истиқлол»-и Душанбе таҳти роҳбарии мураббиён Рустам Қурбонов ва Далер Қаёсов ғолиби мусобиқаи Ҷоми «Ҷавонӣ» байни ҳайатҳои ҷавонони дастаҳои лигаи олии Тоҷикистон гардид.

Дар Ҷоми «Ҷавонӣ», ки дар ду марҳила – муқаддамотӣ ва ниҳоӣ баргузор шуд, ҳамаи даҳ дастаи ҷавонони чемпионати Тоҷикистон ширкат карданд.
Дар вохӯрӣ барои ҷойи сеюм ҷавонони КМВА-и пойтахт бар дастаи эҳтиётии «Эсхата»-и Хуҷанд бо ҳисоби 1:0 пирӯз шуданд.

Дар вохӯрии ниҳоӣ дар Варзишгоҳи марказии Ҳисор дастаҳои ҷавонони «Регар-ТадАЗ»-и Турсунзода ва «Истиқлол»-и пойтахт бо ҳам нерӯ санҷиданд. Бозӣ бо ҳисоби 3:2 ба фоидаи дастаи ҷавонони «Истиқлол» анҷом ёфт.

Ғолиби мусобиқа дастаи «Истиқлол» соҳиби 30 ҳазор сомонӣ маблағи пулӣ ва нимҳимоятгари ин даста Паҳлавон Баҳризода беҳтарин бозигари финали мусобиқот дониста шуд. Ба иштирокчии бозии ниҳоӣ – «Регар-ТадАЗ»-и Турсунзода 20 ҳазор сомонӣ ва ба барандаи медали биринҷӣ — КМВА-и пойтахт 10 ҳазор сомонӣ тақдим гардид.

Акс: ФФТ

Август 1, 2022 10:48

Хабарҳои дигари ин бахш

ҶОМИ ОСИЁ ОИД БА ФУТЗАЛ. Дастаҳои мунтахаби Тоҷикистон ва Узбекистон бо ҳам рақобат карданд
Дастаи мунтахаби Тоҷикистон оид ба футбол бо Ҷоми Шоҳи Таиланд ба Душанбе баргашт
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Узбекистон бозӣ мекунанд
ҶОМИ ПРЕЗИДЕНТИ ТОҶИКИСТОН ОИД БА БОКС. Варзишгарони тоҷик сазовори ёздаҳ медали тилло гардиданд
Дастаи «Хадамоти гумрук» бозии аввали Ҷоми «Истиқлол»-2022-ро бо ғалаба оғоз намуд
Дастаи мунтахаби футзали Тоҷикистон Ҷоми Осиё-2022-ро бо пирӯзӣ оғоз кард
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Баҳрайн бозӣ мекунанд
Дар Чемпионати ҷаҳон оид ба дзюдо дар Тошканд 9 паҳлавони тоҷик иштирок менамоянд
Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад