МИЛЛИОН ТОННА. Дар Тоҷикистон то имрӯз ҳамин миқдор сабзавот ҷамъоварӣ шуд
ДУШАНБЕ, 26.08.2022 /АМИТ «Ховар»/. Дар Тоҷикистон маъракаи ҷамъоварии ҳосил дар авҷ аст. То имруз, қариб 1 миллион тонна сабзавот ҷамъоварӣ шудааст. Дар ин бора ба АМИТ «Ховар» дар маркази матбуоти Вазорати кишоварзии ҷумҳурӣ иттилоъ доданд.
Ба иттилои манбаъ, соли равон дар 38 ҳазору 422 гектар замин, аз ҷумла дар Вилояти Мухтори Кӯҳистони Баахшон 410 гектар, дар Суғд 9 ҳазору 108 гектар, дар Хатлон 20 ҳазору 687 гектар ва дар ноҳияҳои тобеи ҷумҳурӣ 8 ҳазору 218 гектар сабзавот кишт карда шудааст.
Дар 31 ҳазору 954 гектар, аз ҷумла 59 гектар дар ВМКБ, 4 ҳазору 687 гектар дар Суғд, 20 ҳазору 205 гектар дар Хатлон ва 7 ҳазору 3 гектар дар ноҳияҳои тобеи ҷумҳурӣ ҳосили сабзавот ҷамъоварӣ гардидааст.
Дар маҷмӯъ, 983 ҳазору 635 тонна сабзавот, аз ҷумла 428 ҳазору 940 тонна пиёз, 42 ҳазору 845 тонна карам, 197 ҳазору 714 тонна помидор, 108 ҳазору 358 тонна бодиринг, 102 ҳазору 248 тонна сабзӣ ва 103 ҳазору 100 тонна дигар навъҳои сабзавот ҷамъоварӣ карда шуданд.
Зимнан, ҳаҷми ҷамъоварии ҳосили мева дар ҷумҳурӣ 139 ҳазору 785 тонна ва ангур 32 ҳазору 85 тоннаро ташкил дод.
Кишоварзони мамлакат ба ҷамъоварии ҳосили нави сабзавот, ки имсол дар зиёда аз 38,4 ҳазор гектар замин кишт карда шуд, машғуланд.
Қаблан хабар дода шуда буд, ки дар Тоҷикистон арзиши пиёз поён меравад. Нарх баъди ба бозори дохилӣ ворид гардидани ҳосили нави сабзавот муътадил гардид.
АКС аз манбаъҳои боз
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд
Аз 1 октябр молу воситаҳои нақлиёти воридотӣ ва содиротӣ тавассути низоми «АСИКУДА-и ҷаҳонӣ» ба расмият дароварда мешаванд
Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
