Раиси Маҷлиси намояндагон Маҳмадтоир Зокирзода дар ноҳияи Кӯшониён бо маданияти истифодабарии заминҳои наздиҳавлигӣ шинос шуд
ДУШАНБЕ, 06.08.2022 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ва Раиси вилояти Хатлон Қурбон Ҳакимзода дар ноҳияи Кӯшониён бо маданияти истифодабарии заминҳои наздиҳавлигӣ шинос шуданд, иттилоъ доданд ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон.
Гуфта шуд, ки тибқи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси Маҷлиси намояндагон аз вазъи хоҷагиҳои кишоварзӣ ва захираи маҳсулоти ниёзи аввал дар оилаҳои ноҳияҳои вилояти Хатлон дидан менамояд.
Маҳмадтоир Зокирзода дар ноҳияи Кӯшониён бо маданияти истифодабарии заминҳои наздиҳавлигии шаҳрванд Маҳмадулло Давлатов шинос шуд.
Иттилоъ дода шуд, ки оилаи Далатовҳо дар замини наздиҳавлигии худ, ки 15 сотихро дар бар мегирад, кишти такрории бодиринг, мош, лубӣ, гулкарам, боимҷон ва дигар маҳсулотро ба роҳ мондааст. Пеш аз кишти такрорӣ дар ин майдон картошка, бодиринг ва помидор корида буд, ки ҳосили фаровон ҷамъоварӣ намуда, дар зарфҳои дахлдор барои зимистон захира кардааст.
Оилаи Давлатовҳо айни замон дар зиёда аз 300 адад зарфҳо бо истифода аз маҳсулоти наздиҳавлигӣ афшураҳо омодаву маҳкам намуда, дар ин баробар гандум, пиёз, каду ва дигар маҳсулотҳо захира кардааст.
Маҳмадтоир Зокирзода ба кору фаъолияти ин оила барои захира ва истифодаи самараноки замин баҳои баланд дод.
АКС: шуъбаи иттилоотию таҳлилии дастгоҳи Раиси вилояти Хатлон
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Қирғизистон мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Президенти Қирғизистон Садир Жапаров мулоқот намуданд
1 сол пеш дар Душанбе ду иншооти муҳташам- бинои Парлумон ва Ҳукумати Тоҷикистон ба истифода дода шуд
Мавсума Муинӣ бо истеъдодҳои наврасу ҷавон вохӯрӣ доир намуд
Дар Душанбе масъалаи рушду таҳкими ҳамкории байнипарламентӣ байни Тоҷикистон ва Беларус баррасӣ гардид
Дар Душанбе таҳкими фаъолияти гурӯҳҳои дӯстии байнипарламентии Тоҷикистону Олмон муҳокима гардид
Ҷаласаи навбатии иҷлосияи якуми Маҷлиси намояндагон, даъвати ҳафтум баргузор шуд
Ҳайати Маҷлиси намояндагони Тоҷикистон дар иҷлосияи 32-юми солонаи Ассамблеяи парлумонии САҲА иштирок дорад
Дар Маҷлиси намояндагон бахшида ба Рӯзи Ваҳдати миллӣ ҳамоиши идона доир гардид
Ҳайати Маҷлиси намояндагон дар Форуми 20-уми СММ оид ба идоракунии интернет иштирок дорад
Ваҳдати миллӣ арзишмандтарин бозёфт дар таърихи навини давлатдории миллати тоҷик мебошад
