Тоҷикистон ба Ҷопон ангури хушсифат содирот менамояд
ДУШАНБЕ, 03.08.2022 /АМИТ «Ховар»/. Бо дарназардошти таъму сифати хуб доштани ангури Тоҷикистон ҷониби Ҷопон омодагӣ ба ҳамкориро дар самти қабули ангур изҳор дошт. Ин масъала 2 август зимни мулоқоти Вазири кишоварзии мамлакат Саъдӣ Каримзода бо роҳбари Гурӯҳи дӯстии байнипарлумонии Ҷопон ва Тоҷикистон Кейҷи Фуруя баррасӣ гардид.
Тавре дар маркази матбуот ва иттилооти Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, зимни мулоқот ҷонибҳо масъалаҳои дуҷонибаи ҳамкорӣ дар соҳаи кишоварзиро мавриди баррасӣ қарор доданд.
Вазири кишоварзии Ҷумҳурии Тоҷикистон Саъдӣ Каримзода иброз намуд, ки дар Тоҷикистон 40 ҳазор гектар токзор мавҷуд буда, 35 ҳазор гектари он мевадиҳанда мебошад. Мутобиқи маълумоти оморӣ, соли 2021 270 ҳазор тонна ангур истеҳсол гардида, 52 ҳазор тоннаи он асосан ба Федератсияи Русия ва ҷумҳуриҳои Қирғизистону Қазоқистон содирот шудааст. Дар ҷумҳурӣ 193 навъи ангур мавҷуд буда, токпарварон асосан 20 навъи онро парвариш менамоянд.
Кейҷи Фуруя зимни мулоқот хоҳиш намуд, ки бо мақсади ҳалли масъалаҳо ва идома додани муносибатҳо вобаста ба содироти ангур аз ҷониби Вазорати кишоварзии Тоҷикистон масъулин вобаста карда шаванд ва маълумотнома дар бораи ангурҳои ба содирот нигаронидашуда пешниҳод гардад.
Тибқи маълумоти Агентии омори назди Президенти Ҷумҳурии Тоҷикистон, гардиши савдои хориҷии Тоҷикистон ва Ҷопон соли 2021 88,8 миллион долларро ташкил намудааст. Дар шаш моҳи соли 2022 муомилоти молӣ ба 49,5 миллион доллар расидааст.
АКС: Вазорати кишоварзии ҶТ
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
