Дастаи мунтахаби ҷавонони то 20-солаи Тоҷикистон ба марҳилаи ниҳоии Ҷоми Осиё-2023 роҳ ёфт

Сентябрь 19, 2022 13:31

ДУШАНБЕ, 19.09.2022 /АМИТ «Ховар»/. Шоми дирӯз дар Варзишгоҳи марказии ҷумҳуриявии шаҳри Душанбе дастаи мунтахаби футболи ҷавонони то 20-солаи Тоҷикистон таҳти роҳбарии сармураббӣ Аҳлиддин Турдиев дар мусобиқаи интихобии Ҷоми Осиё-2023 дар гурӯҳи «I» мақоми аввалро ишғол намуда, ба қисми ниҳоии мусобиқот, ки аз 1 то 18 марти соли оянда дар Ҷумҳурии Узбекистон баргузор мешавад, роҳ ёфт. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.

Дастаи мунтахаби ҷавонони Тоҷикистон дар мусобиқаи интихобӣ, ки аз 10 то 18 сентябр дар шаҳри Душанбе баргузор шуд, се бозӣ анҷом дод. Футболбозони ҷавони мо дар даври аввал бо дастаи мунтахаби ҷавонони Сингапур мусовӣ (0:0) бозӣ карда, дар даври дуюм бар дастаи мунтахаби ҷавонони Лубнон бо ҳисоби калони 4:0 ва дар даври ниҳоӣ бар ҳамсолони худ аз Камбоҷа бо ҳисоби 2:1 пирӯз шуданд.

Ҳамин тариқ, дастаи мунтахаби ҷавонони то 20-солаи Тоҷикистон бо 7 хол дар ҷои аввали гурӯҳи «I» мавқеъ ва ба марҳилаи ниҳоии Чемпионати Осиё миёни ҷавонони то 20-сола роҳхат гирифт. Дастаҳои мунтахаби ҷавонони Лубнон бо 6 хол ҷои дуюм, Сингапур бо 2 хол ҷои сеюм ва Камбоҷа бо 1 хол ҷои чорумро гирифтанд.

Тибқи низомномаи чемпионат, ба марҳилаи ниҳоӣ ғолибони 10 гурӯҳи марҳилаи интихобӣ, инчунин 5 дастаи ҷои дуюми гурӯҳҳо, ки натиҷаи беҳтар доранд, роҳхат мегиранд. То ҳоло Узбекистон ба ҳайси мизбон, Арабистони Саудӣ (гурӯҳи «А» ), Қатар (гурӯҳи «В»), Ҷопон (гурӯҳи «С»), Урдун (гурӯҳи «D»), Кореяи Ҷанубӣ (гурӯҳи «Е»), Индонезия («F»), Уммон (гурӯҳи «G»), Тоҷикистон (гурӯҳи «I»), Эрон (гурӯҳи «J») ва 4 дастаи ҷои дуюми гурӯҳҳо бо натиҷаи беҳтар – Ветнам, Қирғизистон, Чин, Сурия ба марҳилаи ниҳоӣ роҳ ёфтанд. Номи як дастаи дигар пас анҷоми мусобиқаи интихобӣ дар гурӯҳи «Н», ки 14-18 октябр доир мегардад, муайян хоҳад шуд.

Дастаи мунтахаби ҷавонони Тоҷикистон маротибаи панҷум аст, ки ба марҳилаи финалии Ҷоми Осиё роҳхат мегирад. Футболбозони ҷавони мо қаблан солҳои 2006, 2008, 2016 ва 2018 дар Ҷоми Осиё ширкат карда буданд.

Мусобиқа то соли 2006 ҳамчун Чемпионати Осиё миёни ҷавонон ҳар сол доир мегашт, аз соли 2008 миёни ҷавонони то 19-сола дар ду сол як маротиба баргузор мешуд. Бори аввал аст, ки чемпионат миёни ҷавонони то 20-сола доир мегардад.

АКС: Федератсияи футболи Тоҷикистон

Сентябрь 19, 2022 13:31

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд