Тоҷикистон ва Миср муносиботи дӯстӣ ва тавсеаи ҳамкории судмандро баррасӣ намуданд
![](https://khovar.tj/wp-content/uploads/2022/09/Zarobiddin-osim-bo-muovini-vaziri-kor-oi-hori-ii-Misr-doir-ba-kishvar-oi-osiyo-Ajman-Komil-1.jpg)
ДУШАНБЕ, 28.09.2022 /АМИТ «Ховар»/. Сафири Ҷумҳурии Тоҷикистон дар Ҷумҳурии Арабии Миср Заробиддин Қосимӣ 27 сентябр бо муовини Вазири корҳои хориҷии Миср доир ба кишварҳои осиёӣ Айман Комил мулоқот намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар вохӯрӣ масоили вобаста ба муносиботи дӯстӣ ва тавсеаи ҳамкории судманди ду кишвар баррасӣ шуданд.
Зимни суҳбат ҳавасмандии мутақобил ба таҳким ва густариши бештари робитаҳои барои ҳарду ҷониб судбахш таъкид гардид.
Акс: ВКХ ҶТ