Китоби «Ҳақиқатҳои ширини ширин ва талху талхи насри сад соли ахири тоҷикон»-и Шераки Ориён ба нашр расид
ДУШАНБЕ, 23.10.2022 /АМИТ «Ховар»/. «Ҳақиқатҳои ширини ширин ва талху талхи насри сад соли ахири тоҷикон»- таҳти чунин унвон китоби навбатии узви Конфедератсияи синамогарони Иттиҳоди Давлатҳои Мустақил ва Балтика, нависандаи сермаҳсули тоҷик Шераки Ориён (Абдурофеъ Рабизода) нашр гардид.
Тавре нависанда дар суҳбат бо хабарнигори АМИТ «Ховар» иброз дошт, «ин ҳамон адабиётест, ки ҳамеша таҳлилаш мекардем. Фақат ин бор таҳлил аз тарафи дигар аст. Саргузашти насри навину офарандагони он аз нигоҳи дигар. Баъзе ҷиҳатҳои ногуфта ва номакшуфи ин адабиёт дар рисолаи мазкур дарҷ гардидаанд. Яъне, ҳақиқатҳои ширини ширин ва талхи басо талхи насри сад соли ахири тоҷикон».
Китоб бо фарогирии паҳно, жарфу амиқ ва кушодани муаммоҳои таъриху зиндагӣ ва фарогирии осори азизони гузаштаи мо, хосатан намояндагони сад соли ахири насри тоҷик фарқкунанда ва ҷолибу хонданист.
Бояд гуфт, ки Шераки Ориён (Абдурофеъ Рабизода) узви Конфедератсияи синамогарони Иттиҳоди Давлатҳои Мустақил ва Балтика буда, муаллифи 42 филми бадеӣ ва санадию фалсафӣ мебошад. Эҷодиёти ӯ ҳафт ҷоизаи байналхалқиро сазовор гардидааст. Филмҳои вай, ба мисли «Марди мутааллиқи ду зан», «Вақте болои шаҳр борон мерехт», «Дӯстонро намефурӯшанд», «Афсонаи зиндагӣ», «Чор фасли умр», «Насл» ва ғайра маъруфу машҳур гардидаанд.
Филми «Дӯстонро намефурӯшанд» («Аспи охирини шаҳр») дар замони шӯравӣ аз ҷониби 28 кишвари ҷаҳон харидорӣ гардида, дар Кинофестивали Рига (соҳили Балтика) ва Кинофестивали халқии Иттиҳоди Шӯравӣ соҳиби ҷоиза гардида буд. Филми дигари Шераки Ориён «Марди мутааллиқи ду зан» дар даҳаи навади қарни бист дар кинофестивалҳои ЕврАзия, Фаронса, Амрико чор ҷоизаро сазовор гардид.
АКС аз бойгонии Шераки Ориён
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
