Дар Академияи Вазорати корҳои дохилии Тоҷикистон оид ба пешгирии киберҷинояткорӣ конференсияи байналмилалӣ доир шуд
ДУШАНБЕ, 24.11.2022 /АМИТ «Ховар»/. Дар ҷодаи ҳамкории дутарафа ва мувофиқи Созишнома оид ба ҳамкорӣ дар соҳаи маориф ва фаъолияти илмие, ки 1 августи соли 2016 миёни Академияи Вазорати корҳои дохилии Тоҷикистон ва Академияи Вазорати корҳои дохилии Беларус ба имзо расида буд, 23 ноябр дар мавзӯи «Масъалаҳои мубрами илми ҳуқуқшиносӣ: нигоҳи ҷавонон» конференсияи илмии байналмилалии курсантон, шунавандагон, донишҷӯён ва магистрантон дар шакли он-лайн баргузор гардид. Дар ин бора ба АМИТ «Ховар» дар шуъбаи ташкилӣ-илмӣ ва табъу нашри Академияи ВКД хабар доданд.
Анҷумани илмиро муовини сардори Академияи ВКД Беларус оид ба корҳои илмӣ, номзади илмҳои ҳуқуқшиносӣ, дотсент, полковники милитсия Павел Гридюшко ифтитоҳ намуда.
Дар конференсия курсанти курси 5 факултети № 2-и Академияи ВКД Усмонҷон Наимов дар мавзӯи «Киберҷинояткорӣ ва хусусияти он дар Ҷумҳурии Тоҷикистон» маърӯза намуд.
Мавсуф иброз дошт, ки фаъолияти ҳаётан муҳими ҳар инсон имрӯз ба технологияҳои телекоммуникатсионӣ, ки тақрибан дар тамоми соҳаҳои ҳаёти ҷамъиятӣ истифода мешаванд, вобаста мебошад, зеро имрӯз ҷаҳон ба давраи нав — ҷомеаи иттилоотӣ дохил шудааст. Рушди босуръати иттилоотонӣ боиси пайдоиши намудҳои нави ҷиноятҳо, аз қабили ҷиноятҳои компютерӣ, яъне киберӣ гардид. Ҳамчун як падидаи ҷиноятии нав ва нокифоя омӯхташуда киберҷиноятҳо сазовори таваҷҷуҳи махсусанд ва ба ҳалли ин масъала, ки барои инсоният хатарнок аст, муносибати махсус тақозо менамоянд. Мақомоти ҳифзи ҳуқуқ хусусан аз амалҳои қаллобон марбут ба истифодаи шабакаи ҷаҳонии Интернет, ки аз манбаъҳои кушоди он технология барои сохтани ҳар гуна барномаҳо имконпазир аст, нигарон мебошанд. Ҷинояткорони киберӣ бо рахна кардани сомонаҳо ба намудҳои гуногуни иттилоот, аз ҷумла, маълумоти махфӣ низ дастрасӣ пайдо мекунанд.
Зимни конференсия проблемаҳои дигари мубрами ҳуқуқи ҷиноятӣ, мурофиаи ҷиноятӣ, иҷрои ҷазои ҷиноятӣ, ҳуқуқи маъмурӣ ва фаъолияти маъмурии мақомоти корҳои дохилӣ, масъалаҳои муҳоҷират ва ғайра, ки аз тарафи намояндагони муассисаҳои таълимии олии системаи ВКД ҷумҳурии Беларус ва Федератсияи Россия пешниҳод шуда буданд, баррасӣ гардиданд.
АКС: Академия ВКД ҶТ
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
