Дар Душанбе оид ба таъмини амнияти минтақавӣ дар Осиёи Марказӣ конфронси байналмилалӣ доир шуд

Ноябрь 9, 2022 15:50

ДУШАНБЕ, 09.11.2022 /АМИТ «Ховар»/. Дар Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон таҳти унвони «Таъмини амнияти минтақавӣ дар Осиёи Марказӣ: андозагирии сиёсӣ, иқтисодӣ ва экологӣ» Конфронси байналмилалии илмӣ — амалӣ баргузор шуд, хабар медиҳад АМИТ «Ховар» бо истинод ба Институти мазкур.

Конфронси мазкур бо ташаббуси Институти омӯзиши масъалаҳои давлатҳои Осиё ва Аврупо ва дастгириҳои Фонди ба номи Конрад Аденауэр дар Осиёи Марказӣ ва фонди Шоҳроҳи Абрешим-шоҳроҳи Ваҳдат баргузор шуда, дар он муовини президенти Академияи миллии илмҳои Тоҷикистон Абдураҳмон Муҳаммад, Директори Институти омӯзиши масъалаҳои давлатҳои Осиё ва Аврупо Ёрмаҳмад Ниёзӣ, раиси Фонди миллии «Шоҳроҳи Абрешим – Шоҳроҳи Ваҳдат Абдуғанӣ Мамадазимов, раиси намояндаи фонди ба номи Кондрад Аденауэр дар ОМ Ронни Ҳайне, коршиносону муҳаққиқон аз Тоҷикистон, Узбекистон, Қазоқистон сухан намуданд.

Дар конфронс намояндагони сафоратҳои давлатҳои Осиёи Марказии муқими Тоҷикистон, роҳбарияти созмонҳои минтақавию байналмилалӣ, намояндагони ҷомеаи шаҳрвандӣ ва доираҳои илмӣ иштирок карданд.


Масоили сиёсӣ, иқтисодӣ ва экологии дар раванди конфронс баррасишуда таваҷҷуҳи иштирокдоронро дар баробари таъмини амнияти минтақа ба масоили иқтисодӣ ва экологии дар минтақа ҷойдошта равона намуд. Чунин ташаббус андешаи коршиносони минтақаи Осиёи Марказиро доир ба масоили таъмини амнияти минтақа ва мушкилоти иқтисодиву экологӣ ба ҳам овард ва тавсия дода шуд, ки дар шароити бавуҷудомада дар ҳалли мушкилоти минтақавии ҷойдошта мо бояд дастҷамъона мубориза барем.

Мақсади конфронси «Таъмини амнияти минтақавӣ дар Осиёи Марказӣ: андозагирии сиёсӣ, иқтисодӣ ва экологӣ», пеш аз ҳама, ҳалли мушкилоти ҷойдошта, таҳия ва қабули стратегияҳои нави рушд ва ҳамкорӣ, ба роҳ мондани ҳамкории дуҷонибаву бисёрҷониба бо ниҳодҳои илмиву таҳқиқотии мамлакатҳои минтақаи Осиёи Марказӣ дар соҳаҳои таъмини амнияти милливу минтақавӣ, сиёсат, иқтисод ва экологӣ мебошад.

Дар қисми ифтитоҳии конфронс миёни Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон ва Фонди ба номи Кондрад Аденауэр ёддошти тафоҳум ба имзо расонида шуд.

Ҷонибҳо ба мувофиқа расиданд, ки ин анъанаи некро барои рушди ҳамкорӣ ҷиҳати ҷилавгирӣ намудани хатару даҳшатафканиҳо дар минтақа, ба роҳ мондан ва таҳким бахшидани ҳамкории илмиву таҳқиқотии муштарак идома диҳанд.

АКС: Институти омӯзиши масъалаҳои давлатҳои Осиё ва Аврупо

Ноябрь 9, 2022 15:50

Хабарҳои дигари ин бахш

АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд
Дар роҳҳои Душанбе санҷишҳо гузаронида мешаванд