Дастаи «Зебонисо» чемпиони секаратаи Тоҷикистон миёни дастаҳои занона оид ба футбол шуд

Декабрь 1, 2022 09:07

ДУШАНБЕ, 01.12.2022 /АМИТ «Ховар»/. Дастаи «Зебонисо»-и шаҳри Душанбе таҳти роҳбарии мураббӣ Зебо Гасимова чемпиони секаратаи Тоҷикистон миёни дастаҳои занона оид ба футбол гардид. Қаблан футболбозбонувони Душанбе солҳои 2018 ва 2020 чемпиони кишвар шуда буданд. Дар ин бора ба АМИТ «Ховар» дар Федератсияи футболи Тоҷикистон хабар доданд.

Имсол дар Лигаи футболи занонаи Тоҷикистон 10 даста – «Зебонисо» (Душанбе), «Ситора» (Шаҳринав), «Суғд» (Суғд), «Бунҷикат» (Шаҳристон), «Конибодом» (Конибодом), «Хатлон» (Бохтар), «Ҳосилот» (Фархор), «Зебо» (Дӯстӣ), «Бешкент» (Носири Хусрав) ва Муассисаи давлатии Мактаби варзишии Кӯлоб (МДМВ) ширкат кард.

Чемпионат дар ду давра барпо гардид, ки дар он ҳар даста бо ҳамдигар ҳам дар хона ва ҳам дар сафар бозӣ кард.

Дастаи «Зебонисо»-и пойтахт тамоми мавсимро бидуни бохт гузаронда, дар 18 вохӯрӣ 18 ғалаба ба даст овард. Шогирдони Зебо Гасимова дар ин мавсим 193 гол зада, ба дарвозаи худ ҳамагӣ се гол сар доданд.

Медалҳои нуқраи мусобиқоти чемпионати Тоҷикистон насиби дастаи «Хатлон»-и Бохтар (48 имтиёз) гардид. Медалҳои биринҷӣ насиби футболбозони дастаи «Суғд» (39 хол) шуд.

Аз рӯи натоиҷи чемпионат Лигаи футболи бонувони Тоҷикистон беҳтаринҳои солро муайян кард.

Беҳтарин дарвозабони чемпионати кишвар Муниса Гулова («Зебонисо») дониста шуд.

Ҷоизаи беҳтарин нишонзан ба Лайло Ҳалимова («Хатлон»), ки 68 гол задааст, тақдим гардид.

Ҷоизаи «Кашфи сол»-ро аз дастаи «Бешкент» Улҷамол Элмуродова гирифт.

Зебо Гасимова («Зебонисо») беҳтарин мураббии чемпионат дониста шуд.

Нодира Мирзоева (Душанбе) беҳтарин довари зан дониста шуд.

Ва беҳтарин бозигари лига Сайёра Саидова («Зебонисо») дониста шуд.

Акс: ФФТ

Декабрь 1, 2022 09:07

Хабарҳои дигари ин бахш

Федератсияи байналмилалии гӯштингирии Тоҷикистон дар Русия, Эрон ва Ҳиндустон намояндагиҳояшро ифтитоҳ намуд
Имрӯз дар Душанбе Чемпионати Тоҷикистон оид ба гӯштин оғоз мегардад
ҶОМИ ФФТ-2023: бозиҳои даври аввали марҳилаи муқаддамотӣ дар минтақаи Душанбе баргузор шуданд
ФУТБОЛ. Мунтахаби ҷавонони Тоҷикистон (U-20) дар Туркия бо дастаи «Бухоро» бозии санҷишӣ анҷом дод
Федератсияи гӯштингирии Тоҷикистон дар Швейтсария ҳамчун Федератсияи байналмилалии гӯштингирӣ сабти ном карда шуд
ФУТБОЛ. Доварони Тоҷикистон дар машғулияти CAFA иштирок доранд
Президенти Федератсияи дзюдои Тоҷикистон Исмоил Маҳмадзоир бо Сафири Ҷопон Тошиҳиро Айки мулоқот намуд
Федератсияи футболи Тоҷикистон ва Ассотсиатсияи футболи Чин ҳамкории дуҷонибаро баррасӣ намуданд
Дар Тоҷикистон мусобиқаҳои байналмилалӣ оид ба марафони шиноварӣ доир карда мешаванд
ҶОМИ ФФТ-2023. Имрӯз дар Ҳисор марҳилаи муқаддамотии мусобиқот дар минтақаи Душанбе оғоз мегардад
ФУТБОЛ. Дастаи мунтахаби ҷавонони Тоҷикистон (U-20) бо дастаи шомили Cуперлигаи Узбекистон бозии санҷишӣ мегузаронад
Гӯштини тоҷикӣ мақоми байналмилалӣ гирифт