Дар Тоҷикистон даҳаи охири моҳи феврал ҳаво то 21 дараҷа гарм мешавад
ДУШАНБЕ, 21.02.2023 /АМИТ «Ховар»/. Даҳаи охири моҳи феврал ҳаво дар Тоҷикистон тағйирёбандаи бебориш пешгӯӣ шуда, то 21 дараҷа гарм мешавад. Танҳо 25 феврал дар водиҳо борон ва дар ноҳияҳои кӯҳӣ борон ва барф пешбинӣ шудааст, иттилоъ дод ба АМИТ «Ховар» муовини Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева.
Тибқи иттилои номбурда, аз 21 то 28 феврал дар шаҳри Душанбе ҳавои камабри бебориш пешгӯӣ мешавад. Ҳаво шабона 8 ва рӯзона то 21 дараҷа гарм мешавад. 25 феврал борон ба амал омада, ҳаво рӯзона то 11 дараҷа гарм мешавад.
Дар вилояти Хатлон ҳавои тағйирёбандаи бебориш пешгӯӣ шуда, танҳо 25 феврал дар ноҳияҳои алоҳида борон ба амал меояд. Ҳаво дар водиҳо шабона 9 ва рӯзона то 25 дараҷа гарм пешгӯӣ мешавад. 25 феврал ҳаво то 5+10 дараҷа гарм мешавад.
21 ва 23 феврал дар вилояти Суғд ҳавои тағйирёбандаи бебориш пешгӯӣ шуда, танҳо 25 феврал дар ноҳияҳои алоҳида борон ва барф ба амал меояд. Ҳаво дар водиҳо шабона 6 ва рӯзона то 17 дараҷа гарм мешавад. 25 феврал ҳаво дар ноҳияҳои кӯҳӣ шабона то 6 дараҷа хунук ва рӯзона то 10 дараҷа гарм пешгӯӣ мешавад.
Дар шаҳру ноҳияи тобеи марказ ҳавои тағйирёбандаи бебориш пешгӯӣ шуда, танҳо 25 феврал дар водиҳо борон борида, дар ноҳияҳои кӯҳӣ борон ва барф ба амал меояд. Ҳаво дар водиҳо шабона то 8 ва рӯзона то 22 дараҷа гарм мешавад.
21 ва 23 феврал дар Вилояти Мухтори Кӯҳистони Бадахшон ҳавои тағйирёбандаи бебориш пешгӯӣ шуда, танҳо 25 феврал дар ноҳияҳои алоҳида борон ва барф ба амал меояд. Ҳаво дар ғарби вилоят шабона 2-7 дараҷа хунук ва рӯзона 3+8 дарҷа гарм мешавад. Дар шарқи вилоят шабона то 21 ва рӯзона то 9 дараҷа хунук мешавад.
АКС: АМИТ «Ховар»
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
