Клуби марказии варзишии Артиш бори аввал ғолиби Ҷоми Федератсияи футболи Тоҷикистон шуд
ДУШАНБЕ, 27.02.2023 /АМИТ «Ховар»/. Клуби марказии варзишии Артиш (КМВА) дар бозии ниҳоӣ бар «Регар-ТадАЗ»-и Турсунзода бо ҳисоби 2:1 пирӯз шуда, Ҷоми Федератсияи футболи Тоҷикистонро ба даст овард. Дар ин хусус ба АМИТ «Ховар» дар Федератсияи футболи Тоҷикистон хабар доданд.
Голҳои Хуршед Абдуллоев ва Сӯҳроб Каримов ба дастаи артиш пирӯзӣ оварданд.
Дар рақобат барои ҷойи сеюм дастаи «Равшан»-и Кӯлоб бар дастаи «Панҷшер» дар силсилаи пеналти бо ҳисоби 5:4 (вақти асосӣ 0:0) ғолиб шуд.
Хуршед-Тимур Ҷӯраев, нимҳимоятгари Клуби марказии варзишии Артиш беҳтарин бозигари финали Ҷоми Федератсия-2023 дониста шуд.
Ғолиби Ҷоми ФФТ-2023 – дастаи Клуби марказии варзишии Артиш ҳамзамон бо маблағи 50 ҳазор сомонӣ қадрдонӣ карда шуд. Ба барандаи медали нуқра «Регар-ТадАЗ» 30 ҳазор сомонӣ ва ба барандаи медалҳои биринҷӣ «Равшан»-и Кӯлоб 20 ҳазор сомонӣ тақдим гардид.
АКС: Федератсияи футболи Тоҷикистон
Дар Вазорати мудофиа дастаҳои занонаи футбол ва мардонаи футзал таъсис дода мешаванд
Дар Душанбе марҳилаи сеюми даврҳои мураббигӣ оид ба барномаи иҷозатномаи «PRO» идома дорад
Ғолибони Мусобиқаи кушоди байналмилалӣ оид ба бокс дар Хуҷанд муайян шуданд
Лигаи футзали Тоҷикистон беҳтаринҳои мавсими 2024/25-ро қадрдонӣ намуд
Дар Турсунзода курсҳои ФИФА барои доварони Тоҷикистон оғоз шуданд
Дастаи мунтахаби наврасони Тоҷикистон (U-17) омодагиҳоро ба Ҷоми ҷаҳон-2025 оғоз кард
Дар Федератсияи футболи Тоҷикистон ҷаласаи Кумитаи маркетинг баргузор шуд
Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
