НИШАСТИ МАТБУОТӢ. 42 нафар омӯзгорони ноҳияи Шаҳринав бо замини наздиҳавлигӣ таъмин гардиданд

Февраль 11, 2023 16:06

ШАҲРИНАВ, 11.02.2023 /АМИТ «Ховар»/. Дар асоси дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати дастгирии омӯзгорони ҷавон дар ноҳияи Шаҳринав 42 нафар муаллимон бо замини наздиҳавлигӣ таъмин карда шуданд. Ин матлабро  Раиси ноҳияи Шаҳринав Абдуқодир Вализода зимни нишасти матбуотӣ баён дошт.

Дар нишаст иброз гардид, ки  62 нафар омӯзгорон аз бонкҳои давлатӣ қарзҳои имтиёзнок гирифтанд  ва 42 нафар омӯзгори ҷавон, ки нав ба кор омадаанд, бо 10 фоиз маоши иловагӣ таъмин карда шуданд.

Тазаккур дода шуд, ки дар ноҳияи Шаҳринав  бахшида ба ҷашни 35-солагии Истиқлолияти давлатии Ҷумҳурии Тоҷикистон  тибқи нақшаи тасдиқшуда,  164 иншоот бунёд мегардад. Аз ин шумора 7 иншоот дар соҳаи саноат, 18 адад дар соҳаҳои кишоварзию тандурустӣ, 3 бинои баландошёна, марказҳои хизматрасонию дигар иншооти муҳим сохта мешаванд. Хушбахтона, бо дастгирии соҳибкорону сокинони ноҳия соли 2022 25 иншооти гуногун мавриди баҳрабардорӣ қарор дода шуданд.

«Рушди соҳаи парандапарварӣ дар ноҳияи Шаҳринав хуб ба роҳ монда шуда, корхонаи  ҶСП «Парандапарвари Шаҳринав» ба соҳибкорон  иҷора дода шудааст. Соҳибкорон соли гузашта дар ин корхона  34 миллиону 299 ҳазору 700 дона тухм истеҳсол намуданд, ки нисбат ба соли 2021 146 ҳазору 400 дона тухм зиёд аст»,-гуфта шуд дар нишаст.

Субҳониддини МАҲМУД,
АМИТ «Ховар»

АКС: АМИТ «Ховар»

Февраль 11, 2023 16:06

Хабарҳои дигари ин бахш

БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар иншооти ҷашнии вилояти Суғд корҳои сохтмонӣ бомаром идома доранд
Имрӯз маҷлиси Ҳукумати Ҷумҳурии Тоҷикистон баргузор гардид
35-СОЛАГИИ ИСТИҚЛОЛИ ДАВЛАТӢ. Бахшида ба ин ҷашн дар Ҳисор сохтмони бинои бисёрқабатаи истиқоматӣ оғоз ёфт
Пагоҳ дар тамоми муассисаҳои таҳсилоти умумии Тоҷикистон машғулияти таълимӣ ба анҷом мерасад
Бори аввал дар Тоҷикистон ба парвариши моҳии навъи «бестер» хоҷагии «Моҳипарварии Каёнуш»-и ноҳияи Данғара шуруъ менамояд
Бори аввал дар Тоҷикистон Форуми ҷумҳуриявии «Омӯзгори навовар» баргузор гардид
Дар Донишгоҳи давлатии Кӯлоб оид ба ҷаҳонбинии нави иттилоотӣ конфронси ҷумҳуриявӣ баргузор шуд
НОЗИРОНИ НАВРАСИ ҲАРАКАТ ДАР РОҲ. Суратгузориши АМИТ «Ховар» аз ҷараёни оғози озмун
КВОТАИ ПРЕЗИДЕНТИ ҶУМҲУРИИ ТОҶИКИСТОН. Тибқи он даври сеюми қабули довталабон ба муассисаҳои таҳсилоти олии касбии ҷумҳурӣ оғоз гардид
Дар Ҷамоати деҳоти 10-солагии Истиқлолияти шаҳри Турсунзода 8 километр роҳи мошингард ба истифода дода шуд
Дар шаҳри Турсунзода бинои иловагии Муассисаи таҳсилоти миёнаи умумии рақами 17 мавриди истифода қарор дода шуд
Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Даҳсолаи амал «Об барои рушди устувор, солҳои 2018 – 2028» конфронс доир гардид