Дар шаҳри Хуҷанд озмуни «Кадбонуи беҳтарин» баргузор шуд
ДУШАНБЕ, 13.05.2023. /АМИТ «Ховар»/. Дар маркази вилояти Суғд бо ибтикори Кумитаи иҷроияи Ҳизби Халқии Демократии Тоҷикистон дар шаҳри Хуҷанд бахшида ба Рӯзи байналмилалии оила байни ташкилотҳои ибтидоӣ ва бонувони фаъоли ҳизб таҳти унвони «Мактаби хушдоман ва фарҳанги оиладорӣ» озмуни «Кадбонуи беҳтарин» гузаронида шуд. Дар ин хусус ба АМИТ «Ховар» дар Хадамоти матбуоти Раиси шаҳри Хуҷанд хабар доданд.
Дар озмун роҳбарияти Кумитаи иҷроияи Ҳизби Халқии Демократии Тоҷикистон дар вилояти Суғд, собиқадорон ва фаъолони ҳизб иштирок карда, ҳозиринро бо фарорасии Рӯзи оила табрик карданд.
Озмун аз рӯйи 4 шарт: омода намудани хӯриш аз сабзавот, тайёр намудани кулчақанд ё ширинӣ, ороиши меваҳо ва муаррифии дастархони миллӣ баргузор гардида, дар он 9 даста аз кумитаҳои иҷрояи ибтидоӣ ва ташкилоти ибтидоии ҳизбӣ байни ҳам қувва озмуданд.
Дар натиҷаи холгузории аъзои ҳакамон озмун ҷамъбаст ва ғолибон муайян карда шуд. Ҷойи аввал насиби Кумитаи иҷроияи ибтидоии «Муҳаммад Осимӣ» дар назди Донишкадаи политехникии Донишгоҳи техникии Тоҷикистон ба номи Муҳаммад Осимӣ, ҷойи дуюм насиби ташкилоти ибтидоии «Ҳунарманд» дар назди Литсейи касбӣ – хизматии ДБССТ дар вилояти Суғд (ш.Хуҷанд) ва ҷои сеюм насиби ташкилоти ибтидоии «Ирфон» дар назди Мактаби хусусии Ирфон гардид. Ғолибон бо Диплом ва туҳфаҳои кумитаи иҷроияи шаҳрӣ қадрдонӣ карда шуда, ҳамчунин дигар иштирокчиён барои иштироки фаъолона дар озмуни мазкур бо Сипоснома ва туҳфаи хотиравӣ сарфароз гардиданд.
Таъкид шуд, ки мақсад аз баргузории озмуни мазкур он аст, ки имрӯз бояд наварӯсон аз мактаби бузурги хушдомани худ дарси ибрат гирифта, баҳри пойдории оила ва таълиму тарбияи фарзандони худ хушдоман ва дигар аъзои оилаи худро эҳтиром кунанд, зеро муҳаббату ғамхорӣ, меҳнатдӯстӣ ва муносибат бо дигаронро кӯдак маҳз дар оила меомӯзад.
Бинобар ин фарзандони солим маҳз дар оилаҳои дар асоси муҳаббати ҳақиқӣ ва иззату эҳтиром барпогардида тарбия меёбанд.
АКС: Хадамоти матбуоти Раиси шаҳри Хуҷанд
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
