Дар деҳаи Кангурт сохтмони варзишгоҳ барои 6000 ҷойи нишаст идома дорад

Июнь 5, 2023 15:54

ТЕМУРМАЛИК, 05.06.2023. /АМИТ «Ховар»/. Дар деҳаи Кангурти ноҳияи Темурмалик бахшида ба Ҷашни 35-солагии Истиқлоли давлатии Ҷумҳурии Тоҷикистон сохтмони варзишгоҳ барои 6000 ҷойи нишаст идома дорад, иттилоъ медиҳад мухбири минтақавии АМИТ «Ховар».

Раиси вилояти Хатлон Давлаталӣ Саид зимни сафари корӣ ба ноҳияи Темурмалик бо рафти корҳои сохтмонӣ дар варзишгоҳи мазкур аз наздик шинос шуд.

Иттилоъ дода шуд, ки иншооти мазкур дар масоҳати 13651 метри мураббаъ бунёд гардида, то ин дам корҳои сохтмонӣ ба маблағи 1 миллиону 385 ҳазор сомонӣ иҷро гардидааст.

Корҳои сохтмонӣ дар иншооти мазкур аз моҳи августи соли 2022 оғоз гардида, дар ин давра 25-30 нафар бо ҷои кор таъмин шуданд.

Раиси вилояти Хатлон ҳамчунин аз рафти корҳои соҳилмустаҳкамкунӣ дар мавзеи дарёи Оби Тоҳир, воқеъ дар Ҷамоати деҳоти Кангурт шинос гардид.

Гуфта шуд, ки корҳои соҳилмустаҳкамкунӣ аз моҳи августи соли 2022 оғоз гардида, дар ин давра 15 нафар шаҳрвандони ноҳия бо ҷои корӣ муваққатӣ таъмин карда шудаанд.

Тибқи лоиҳаи мазкур, баъд аз дамбабандӣ намудани дарёи Оби Тоҳир дар гирду атрофи варзишгоҳ сохтмони иншооти иҷтимоӣ, хизматрасонӣ ва саноатӣ ба нақша гирифта шудааст.

Ҳангоми шиносоӣ бо ҷараёни корҳои сохтмонӣ дар иншооти сохташаванда Роҳбари вилоят ба масъулон ҷиҳати сари вақт ва бо сифати баланд анҷом додани корҳо ба масъулин дастуру тавсияҳои муфид дод.

АКС: Мақомоти иҷроияи ҳокимияти давлатии ноҳияи Темурмалик

Июнь 5, 2023 15:54

Хабарҳои дигари ин бахш

Дар шаҳри Хоруғ корхонаи истеҳсоли ҳасиб бунёд мегардад
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
Дар Агентии амнияти химиявӣ, биологӣ, ядроӣ ва радиатсионӣ майдончаи варзишӣ ифтитоҳ гардид
Дар шаҳри Турсунзода майдончаи варзишӣ ва Маркази саломатии деҳоти «Чинор» ифтитоҳ гардид
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд
Президенти мамлакат Эмомалӣ Раҳмон ба сохтмони бинои маъмурии Вазорати маориф ва илми Ҷумҳурии Тоҷикистон санги асос гузоштанд