Дар Донишгоҳи давлатии Хоруғ олимпиадаи забони русӣ доир гардид
ХОРУҒ, 03.06.2023. /АМИТ «Ховар»/. Бо мақсади ҷалби таваҷҷуҳи наврасону ҷавонон ба забономӯзӣ ва дар баробари омӯзиши забони давлатӣ аз худ намудани забонҳои хориҷӣ дар Донишгоҳи давлатии Хоруғ ба номи академик Моёншо Назаршоев аз 31 май то 1 июн бо иштироки донишҷӯёни ин муассисаи олӣ ва хонандагони муассисаҳои таҳсилоти миёнаи умумӣ олимпиада аз фанни забони русӣ баргузор гардид. Дар ин хусус мухбири минтақавии АМИТ «Ховар» Файз Мирасан хабар додааст.
Муовини ректор оид ба илм ва инноватсияи донишгоҳи мазкур Баҳромҷон Аҳмадзода гуфт, ки “яке аз ҳадафҳои ин олимпиада- баланд бардоштани шавқу ҳаваси хонандагон ба омӯзиши забони русӣ ва омода намудани онҳо ба олимпиадаҳои ҷумҳуриявию байналмилалӣ дар самти татбиқи «Барномаи давлатии такмили таълим ва омӯзиши забонҳои русию англисӣ дар Ҷумҳурии Тоҷикистон» ба шумор меравад”.
Забони русӣ яке аз 8 забони байналмилалӣ аст, ки сол аз сол нуфуз ва мақомаш дар ҷаҳон бештар гардида, ҳоло бо ин забон 260 миллион муошират мекунад. Илова бар ин Русия яке аз шарикони стратегии Тоҷикистон буда, солҳои охир робитаҳо дар соҳаи маориф густариш меёбанд. Ҳамасола садҳо нафар хатмкунандагони муасисаҳои таълимии Тоҷикистон таҳсилашонро дар муассисаҳои олии Русия идома медиҳанд.
Дар олимпиада 60 нафар-30 хонандаи синфҳои шашуму ҳаштуми муассисаҳои таҳсилоти миёнаи умумӣ ва 30 донишҷӯи Донишгоҳи давлатии шаҳри Хоруғ иштирок намуд.
Ин олимпиада бо иқдоми роҳбарият ва устодони Донишгоҳи славянии Русияву Тоҷикистон ба роҳ монда шуд.
Иштирокдорони олимпиада аз рӯи шартҳои қироати ифоданоки шеър, саводи хаттиву шифоҳӣ, кишваршиносӣ, таърих, илму фарҳанги Русия, баёни фикру мулоҳиза доир ба ҳаёти худ бо ҳам рақобат намуданд.
АКС: Донишгоҳи давлатии шаҳри Хоруғ
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
