Мубодилаи молу маҳсулот соли 2022 байни вилояти Суғд ва минтақаҳои Русия беш аз 600 миллион долларро ташкил дод
ДУШАНБЕ, 22.06.2023 /АМИТ «Ховар»/. Соли сипаригардида мубодилаи молу маҳсулот байни вилояти Суғд ва минтақаҳои Русия беш аз 600 миллион доллари амрикоиро ташкил дод. Дар ин хусус зимни мулоқоти Раиси вилояти Суғд Раҷаббой Аҳмадзода бо муовини Вазири рушди иқтисоди Федератсияи Русия Дмитрий Волвач, ки дар Хуҷанд доир гардид, иттилоъ дода шуд.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, дар мулоқот таъкид гардид, ки вилояти Суғд дорои имкониятҳои васеъ буда, бо минтақаҳои гуногуни Русия ҳамкории мутақобиларо ба роҳ мондааст. Новобаста ба ин, то кунун имкониятҳои истифоданагардида хело зиёд мебошад. Соҳибкорон ва ширкатҳои бонуфузи Русия метавонанд дар татбиқи лоиҳаҳои хурду бузург, аз қабили бунёди корхонаҳои истеҳсолӣ, коркард, банду баст, саноати кўҳиву металлургӣ, нассоҷӣ, азхудкунии заминҳо ва ғайра саҳм гузоранд.
Дмитрий Волвач аз таваҷҷўҳ ва раванди ҳамкорӣ дар сатҳҳои гуногун изҳори қаноатмандӣ намуда, таъкид кард, ки ҳадафи аслии сафари ҳайати мазкур маҳз ба тақвияти ҳамшарикии соҳибкорони Русия ва Тоҷикистон нигаронида шудааст.
Вилояти Суғд водии имкониятҳо маҳсуб ёфта, ҳамасола ташкили Ярмаркаи байналмиллалии савдо ба ҷалби саромояи мустақим ва татбиқи лоиҳаҳои бузург заминаи воқеъӣ мегузорад. Ҷониби Русия ба рушди муносибатҳо ҳавасманд буда, изҳор намуд, ки ояндаи наздик тарҳҳои муштарак амалӣ менамояд.
Дар рафти мулоқот ҳамчунин дигар масъалаҳои минтақавиву байниҳукуматӣ мавриди баррасии тарафҳо қарор гирифтанд.
АКС: Хадамоти матбуоти раиси вилояти Суғд
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
Тақвияти ҳамкории доираҳои соҳибкории Тоҷикистону Қирғизистон баррасӣ гардид
Масъалаи содироти сабзавоту меваи Тоҷикистон ба вилояти Свердловск баррасӣ гардид
Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд
Дараи Алмосии шаҳри Ҳисор расман ҳамчун «Низоми мероси кишоварзии дорои аҳамияти ҷаҳонӣ» эътироф гардид
