Роҳбарони бонкҳои амонатгузории аъзои WSBI дар Бонн бо таҷрибаи бонкҳои пешрафтаи Олмон шинос гардиданд
ДУШАНБЕ, 08.06.2023 /АМИТ «Ховар»/. Дар шаҳри Бонни Олмон ҳамоиши сатҳи баланд дар мавзӯи «Таваҷҷуҳи муҳим дар устувории молиявӣ: ҷиҳати омӯхтани таҷрибаи бонкҳои пешрафтаи Ҷумҳурии Федеративии Олмон», аз ҷумла «Dekabank», «Helaba», «Wibank», «DeutschSparkassen» ва «Raisan» дар самти устувории рушд ESG — экология, рушди иҷтимоӣ ва идоракунии корпоративӣ доир гардид. Ҷумҳурии Тоҷикистонро дар ин ҳамоиш Раиси Раёсати Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» Сироҷиддин Икромӣ намояндагӣ намуд. Дар ин хусус АМИТ «Ховар» бо истинод ба «Амонатбонк» иттилоъ медиҳад.
Дар ҳамоиш роҳбарони бонкҳои амонатгузории аъзои Институти умумиҷаҳонии бонкҳои амонатгузорӣ ва чакана (WSBI) аз кишварҳои қораи Аврупо, Амрикои ҷанубӣ, Африқо ва Осиёи Ҷанубӣ иштирок намуда, оид ба дастовардҳои молиявии худ рунамоӣ намуданд.
Дар ҳошияи баргузории чорабинии мазкур Раиси «Амонатбонк» Сироҷиддин Икромӣ бо директори Институти умумиҷаҳонии бонкҳои амонатгузорӣ ва чакана (WSBI) Питер Зимонс мулоқот намуд. Мусоҳибон масоили ҳамкории дуҷониба бо бонкҳои аъзои Институти мазкур аз ҷумла, мусоидат ба ифтитоҳи суратҳисобҳои муросилотӣ дар бонкҳои кишварҳои қитъаи Аврупо, ба роҳ мондани маблағгузории савдо байни бонкҳо ва баргузор кардани чорабиниҳои муштарак бо иштироки намояндагони бонкҳои кишварҳои қитъаи Аврупо, Амрикои Ҷанубӣ, Африқо ва Осиёи ҷанубӣ дар Тоҷикистонро баррасӣ намуданд.
Дар интиҳои мулоқот директори Институти умумиҷаҳонии бонкҳои амонатгузорӣ ва чакана (WSBI) Питер Зимонс гуфт, ки Институт тасмим дорад, то дар Тоҷикистон яке аз чорабинии худро дар мавзуъҳои муҳими бонкдории муосир баргузор намояд.
Хотиррасон мешавем, ки беш аз 6700 бонкҳои амонатгузор ва чакана аз тамоми дунё аъзои Институти умумиҷаҳонии бонкҳои амонатгузорӣ ва чакана буда, бештари масъалаҳое, ки бо ташаббуси Институт баррасӣ мегардад, ин танзими ҳамкории байналмилалӣ ва баланд бардоштани сатҳи тахассусии мутахассисони бонкҳои аъзо маҳсуб меёбад.
«Амонабонк» аз соли 2004 инҷониб аъзои Институти умумиҷаҳонии бонкҳои амонатгузорӣ ва чакана буда, то имрўз бо Институти мазкур дар самтҳои гуногун ҳамкориро ба роҳ мондааст.
АКС: Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк»
Имсол кишоварзони ноҳияи Восеъ ҳосили фаровон ба даст оварданд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» баргузор мешавад
БАДАХШОН — ДАРВОЗАИ ТИЛЛОИИ ТОҶИКИСТОН. Дар ин минтақаи кӯҳҳӣ садҳо километр роҳҳои мошингард бунёду навсозӣ гардиданд
Дар 21 гектар замини хоҷагии деҳқонии «Абдуҷаббор»-и ноҳияи Фархор ниҳолҳои пистаи навъи тоҷикӣ парвариш меёбанд
Дар Душанбе таҳкими ҳамкории Тоҷикистон ва Олмон дар соҳаи саноат баррасӣ шуд
Тоҷикистон барои воридоти смартфонҳо ва телефонҳои мобилӣ 20% боҷи гумрукӣ ҷорӣ менамояд
Маҷаллаи бонуфузи фаронсавӣ «The Investor» шумораи махсуси худро ба Тоҷикистон мебахшад
Душанбе мизбони нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ мегардад
Дар Маркази тадқиқоти стратегӣ масъалаи рушди соҳибкорӣ ва бахши хусусиро баррасӣ намуданд
Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ХУШКМЕВАҲОИ ТОҶИКИСТОН. Имсол аз Тоҷикистон беш аз 41 ҳазор тонна меваи хушк содирот шудааст
ҚУРБИ АСЪОР: дар Тоҷикистон 1 рубли русӣ аз 0.1270 то 0.1230 сомонӣ муқаррар шудааст
