БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Фархор 400 иншооти таъйиноти гуногун бунёд мешавад
ДУШАНБЕ, 01.09.2023 /АМИТ «Ховар»/. Бо мақсади дар сатҳи баланд пешвоз гирифтани ҷашни 35 – солагии Истиқлолияти давлатӣ дар ноҳияи Фархор бунёду навсозии 400 бинову иншооти таъйиноти гуногун ба нақша гирифта шудааст.
Тавре Раиси ноҳияи Фархор дар суҳбат ба АМИТ «Ховар» иттилоъ дод, аз шумораи умумии иншооти нақшавӣ 80 адади он соли 2022, 75-тои он соли 2023, 81 бинову иншоот соли 2024, 59 иншоот соли 2025 ва 106 иншоот соли 2026 бунёд ва навсозӣ мешаванд.
Аз моҳи марти соли 2022 то моҳи августи соли 2023 дар ҳудуди ноҳияи Фархор 155 бинову иншоот бо тарҳи муосир бунёд гардида, мавриди истифода қарор дода шуданд.
Аз аввали соли равон то инҷониб дар муассисаҳои таълимии ноҳия аз ҳисоби маблағҳои ҷумҳуриявӣ, вилоятӣ, ноҳиявӣ, шарикони рушд, соҳибкорон ва аҳли ҷамоат сохтмони 154 синфхонаи иловагӣ барои 3696 ҷойи нишаст бо мароми баланд идома доранд.
Бояд ёдовар шуд, ки сохтмони Маркази саломатӣ дар деҳаи Шуҳратёри Ҷамоати деҳоти Ватан, Маркази ташхисӣ дар маркази ноҳия, сохтмони таваллудхонаи замонавӣ дар деҳаи Ориёни Фархор, сохтмони корхонаи хишти пухта дар деҳаи Сайёди Ҷамоати Дарқад бо иқтидори 5 миллион дона дар як сол, коргоҳҳои дӯзандагӣ ва истеҳсоли макарон дар кӯчаи Мирзо Турсунзодаи шаҳраки Фархор, майдончаҳои варзишӣ, дорухона, шағалпӯшкунии 22,6 километр роҳҳои дохили кӯчаву маҳаллаҳо, васлу насби 18 трансформатор, китобхона, сохтмони бинои Маркази хизматрасонии баландошёна ва бинои Маркази таъмини бехатарии озуқаворӣ аз ҳамин ҷумла мебошад.
Соли 2023 аз шумораи 75 иншооти нақшавӣ 30 иншооти таъйиноти гуногун мавриди истифода қарор гирифта, дар 45 иншооти боқимонда корҳои сохтмонӣ идома доранд.
АКС: АМИТ «Ховар»
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
