«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
ДУШАНБЕ, 22.09.2023 /АМИТ «Ховар»/. «Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал ифтитоҳ намояд.
Ин ва дигар масъалаҳои муҳими марбут ба ҳамкории бонкӣ байни Тоҷикистон ва Қазоқистон дар мулоқоти раиси Бонки миллии Тоҷикистон Ҳоким Холиқзода бо ҳайати Ҷамъияти саҳомии «Бонк Фридом Финанс Қазоқистон» таҳти сарварии роҳбари Ҷамъияти саҳомии бонки мазкур Айдос Жумагулов дар Душанбе баррасӣ гардид.
Дар Бонки миллии Тоҷикистон ба АМИТ «Ховар» иттилоъ доданд, ки ҳамкории Тоҷикистон ва Қазоқистон дар руҳияи шарикии стратегӣ ва манфиатҳои тарафайн рушд ёфта, мулоқоти пайвастаи роҳбарони ду давлат ба тавсеаи минбаъдаи он заминаи мусоид гузошт.
Роҳбари Ҷамъияти саҳомии «Бонк Фридом Финанс Қазоқистон» Айдос Жумагулов доир ба самтҳои фаъолияти «Freedom Holding Corp.» дар шакли рӯнамо маълумот пешниҳод намуд.
Гуфта шуд, ки Гурӯҳи Фридом Финанс аз ташкилоти молиявӣ, брокерӣ, суғуртавӣ, пардохтӣ, мобилӣ ва нақлиётӣ иборат буда, доираи васеи маҳсулоти рақамии бонкӣ – ипотекаи рақамӣ, қарзи рақамӣ барои харидории воситаҳои нақлиёт, лоиҳаи музди меҳнат, қарзи тиҷоратӣ, пасандоз, интернет-банкинг ва ғайраҳоро ба Қазоқистон ва дигар давлатҳои хориҷӣ пешниҳод менамояд.
Айдос Жумагулов гуфт, ки Ҷамъияти саҳомии «Бонк Фридом Финанс Қазоқистон» нақша дорад, ки доираи фаъолияти худро дар самти пешниҳоди хизматрасонии молиявӣ-рақамӣ боз ҳам васеъ намояд, инчунин ҷиҳати кушодани бонки фаръӣ ё филиал дар Тоҷикистон изҳори ҳавасмандӣ карда шуд.
Раиси Бонки миллии Тоҷикистон гуфт, ки қонунгузории бонкии Ҷумҳурии Тоҷикистон барои таъсиси бонкҳои хориҷӣ, филиалҳо ва намояндагиҳои онҳо шароити мусоид фароҳам овардааст.
«Бонки миллии Тоҷикистон иқдоми «Бонк Фридом Финанс Қазоқистон»-ро барои кушодани бонки фаръӣ ё филиал дар Тоҷикистон, ки ҷиҳати ҷалби сармояи Қазоқистон ба иқтисоди давлатамон мусоидат менамояд, хуш истиқбол намуда, онро дар доираи қонунгузории ҷорӣ баррасӣ менамояд», — гуфт Холиқзода.
АКС: Бонки миллии Тоҷикистон
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
Президенти Ҷумҳурии Тоҷикистон Эмомалӣ Раҳмон ҳайати Шӯрои директорони Бонки Осиёии Рушдро ба ҳузур пазируфтанд
Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
ҚУРБИ АСЪОР: дар Тоҷикистон 1 рубли русӣ аз 0. 1125 то 0.1130 сомонӣ сомонӣ муқаррар шудааст
Дар дарёи Ғунд Неругоҳи барқи обии «Чарсем» бунёд карда мешавад
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ доир мегардад
