Прокурори генералии Тоҷикистон дар Конфронси генералии Ассотсиатсияи байналмилалии прокурорҳо иштирок намуд
ДУШАНБЕ, 26.09.2023 /АМИТ «Ховар»/. Прокурори генералии Ҷумҳурии Тоҷикистон Юсуф Раҳмон дар ҷаласаи 28-уми Ассотсиатсияи байналмилалии прокурорҳо, ки 24-25 сентябр дар шаҳри Лондони Британияи Кабир баргузор гардид, иштирок намуд. Дар ин хусус ба АМИТ «Ховар» дар Прокуратураи генералии Ҷумҳурии Тоҷикистон иттилоъ доданд.
Прокурори генералии Ҷумҳурии Тоҷикистон Юсуф Раҳмон дар ҳошияи ҷаласаи умумии Ассотсиатсияи байналмилалии прокурорҳо бо Прокурори генералии Шоҳигарии Муттаҳидаи Британияи Кабир ва Ирландияи Шимолӣ Макс Ҳил, прокуророни генералии якчанд мамлакатҳо ва мансабдорони баландпояи Британияи Кабир мулоқотҳои дуҷониба анҷом дод.
Иттилоъ дода шуд, ки дар мулоқоти алоҳида, ки дар Департаменти (вазорати) корҳои дохилӣ, Департаменти (вазорати) корҳои хориҷӣ ва Хадамоти бехатарии Британияи Кабир доир гашт, масъалаҳо вобаста ба ҳамкории муштарак ҷиҳати мубодилаи иттилооти фаврӣ оид ба хатару таҳдидҳои терроризми байналмилалӣ, расонидани ёрии ҳуқуқӣ оид ба парвандаҳои ҷиноятӣ, киберҷиноятҳо, муомилоти ғайриқонунии воситаҳои нашъадор ва дигар масъалаҳои мубрам баррасӣ шуданд.
Ҷонибҳо ба мувофиқа расиданд, ки барои ҳамкории судманд дар мавзуъҳои гуфташуда байни Прокуратураи генералии Ҷумҳурии Тоҷикистон ва ниҳодҳои марбутаи Британияи Кабир Ёддошти тафоҳум таҳия ва ба имзо расонида шавад.
АКС: Прокуратураи генералии Ҷумҳурии Тоҷикистон
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Илм-фурӯғи маърифат» дар соли 2025
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
