Дар Донишкадаи давлатии санъати тасвирӣ ва дизайн аз саҳми шоёни рассомон ва санъатшиносон дар таҳияи Парчами давлатӣ ёдовар шуданд
ДУШАНБЕ, 24.11.2023. /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон бахшида ба Рӯзи Парчами давлатӣ бо иштироки ҳайати профессорону омӯзгорон ва донишҷӯёну магистрантон ҷамъомади тантанавӣ баргузор шуд.
Таъкид гардид, ки таҷлили Рӯзи Парчами давлатии Ҷумҳурии Тоҷикистон беҳтарин василаи тарбияи насли наврасу ҷавон дар руҳияи хештаншиносӣ, ватандӯстӣ ва ифтихор аз арзишҳои таърихию фарҳангии миллӣ мебошад.
Пас аз соҳибистиқлол гардидани Ватани азизамон аввалин рамзи давлатдорие, ки дар ҷумҳурӣ қабул шуд, Парчами миллӣ буд, ки имрӯз чун дигар давлатҳои ҷаҳон Тоҷикистон бо ҳамин рамзҳои давлатдориаш дар арсаи ҷаҳонӣ шинохта шуда, маҳбубияти хос пайдо намудааст. Дар ин росто аз саҳми шоёни рассомон, дизайнерон ва санъатшиносони варзидаи ҷумҳурӣ дар таҳия ва омода намудани Парчами давлатӣ изҳори назар шуд.
Дар фарҷом ба хотири эҳтироми руҳи муқаддаси бузургони миллати тоҷик, корнамоиҳову фидокориҳои фарзонаи фарзандони миллат, қаҳрамонони Ҷумҳурии Тоҷикистон, ки парчамдорону парчамбадастони давру замони хеш ба ҳисоб мерафтанд, ҳамзамон хизматҳои бесобиқа ва мондагори Пешвои миллат муҳтарам Эмомалӣ Раҳмон, ки орзуву омоли ҳазорсолаи миллати тоҷикро бароварда намудаву Парчами Тоҷикистони азизро бо баландтарин сатҳ дар ҷаҳон парафшон намудаанд, аҳли толор бо кафкӯбиҳо сано хонда, изҳори шукргузорӣ ва қаноатмандӣ аз соҳибистиқлолии мамлакат, сулҳу субот, амнияти саросарӣ, ваҳдату ягонагӣ, ҳамдиливу ҳамбастагӣ ва пешрафту шукуфоии Ватани маҳбуб намуданд.
АКС: Донишкадаи давлатии санъати тасвирӣ ва дизайни Тоҷикистон
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
