35-СОЛАГИИ ИСТИҚЛОЛИ ДАВЛАТӢ. Дар Конибодом марказҳои стоматологӣ ва хизматрасонӣ мавриди истифода қарор дода шуданд

Декабрь 21, 2023 09:53

ДУШАНБЕ, 21.12.2023 /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Конибодом маркази стоматологӣ ба истифода дода шуд, ки  он аз ҷониби соҳибкорони маҳаллӣ дар доираи корҳои ободонию созандагӣ бо сифати баланд бунёд ва бо таҷҳизоти замонавии тиббӣ муҷаҳҳаз гардонида шудааст. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.

Дар марказ 6 дандонпизишк фаъолият  намуда, чанд нафари дигар баъди ба истифода додани бахши косметологӣ соҳиби ҷойи кор мешаванд.

Раиси вилоят зимни шиносоӣ бо сатҳу сифати корҳо ва шароити марказ ба кори масъулин баҳои баланд дод. Таъкид шуд, ки дар мамлакат бо дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тибби хусусӣ рушд намуда, сатҳу сифати хизматрасонии тиббӣ ба аҳолӣ беҳтар мегардад.

Ёдовар бояд шуд, ки соли 2023 дар вилоят сохтмон ва таъмиру навсозии 164 иншооти соҳа, аз ҷумла бунёди 36 иншоот ва таъмиру навсозии 128 иншоот ба нақша гирифта шудааст.

Дар 11 моҳи соли равон таъмири 93 иншооти соҳа, аз ҷумла 3 маркази саломатии шаҳрӣ, 6 маркази саломатии ноҳиявӣ, 12 маркази саломатии деҳот, 23 бунгоҳи тиббӣ, 42 беморхона ва шуъбаҳои онҳо, 2 муассисаи махсус, иншооти шаҳру ноҳияҳои Бӯстон, Гулистон, Истиқлол, Истаравшан, Исфара, Конибодом, Панҷакент, Хуҷанд, Айнӣ, Ашт, Бобоҷон Ғафуров, Деваштич, Ҷаббор Расулов, Кӯҳистони Мастчоҳ ва Зафаробод ба итмом расида, корҳои сохтмону таъмир дар 36 иншоот идома доранд.

Ҳамзамон сохтмони як маркази саломатии ноҳия, ду маркази саломатии деҳот, панҷ бунгоҳи саломатӣ ва ҳафт беморхона бо шуъбаҳо дар шаҳру ноҳияҳои Гулистон, Панҷакент, Айнӣ, Ашт, Ҷаббор Расулов, Мастчоҳ ва Шаҳристон ба итмом расида, дар 21 иншоот корҳои сохтмонӣ идома доранд.

Ҳамзамон дар шаҳри Конибодом бо иштироки Раиси вилояти Суғд маркази хизматрасонии «Шоми Патар» мавриди истифода қарор гирифт.

Ин иншоот бо ташаббуси соҳибкорони маҳаллӣ дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон сохта шуда, минбаъд дар он чорабиниҳои гуногун гузаронида мешаванд.

Пас аз ифтитоҳи иншоот барои оилаҳои камбизоат, маъюбон ва ятимон дастархон ороста шуда, ба қишри ниёзманди ҷомеа туҳфаҳо супорида шуд.

Иброз гардид, ки бо дастуру ҳидоятҳои  Президенти Ҷумҳурии Тоҷикистон муҳтарам Эмомалӣ Раҳмон қишри ниёзманди ҷомеа мунтазам ба аёдату ғамхорӣ фаро гирифта шуда, ба онҳо кумакҳои гуногун расонида мешаванд.

Инчунин Раиси вилоят дар шаҳри Конибодом бо фаъолияти корхонаи коркарди мева шинос гардид. Корхонаи коркарди мева аз тарафи соҳибкорони маҳаллӣ таъсис дода шуда, дар он асосан зардолуи дар минтақа истеҳсолшаванда коркард ва банду баст  мешавад.

Корхона бо мақсади саҳмгузорӣ дар татбиқи ҳадафи чоруми миллӣ-санотикунонии босуръати мамлакат фаъол шуда, муассисон тасмим гирифтаанд, ки чормағзи заминиро низ аз ноҳияи Мастчоҳ дастрас ва банду баст намоянд.

АКС: Хадамоти матбуоти Раиси вилояти Суғд

Декабрь 21, 2023 09:53

Хабарҳои дигари ин бахш

Президенти Тоҷикистон ба роҳбарони шаҳру ноҳияҳо супориш доданд, ки ҷиҳати иҷрои саривақтии нақша-чорабиниҳои ҷашни 35-солагии Истиқлоли давлатӣ тадбирҳои зарурӣ андешанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара як қатор иншооти таъйиноти гуногун ба истифода дода шуданд
Пешвои миллат Эмомалӣ Раҳмон бо рафти сохтмони меҳмонхонаи муосир дар маркази ноҳияи Данғара шинос шуданд
Сарвари давлат Эмомалӣ Раҳмон дар минтақаи озоди иқтисодии «Данғара» барои бунёди аввалин корхонаи истеҳсоли таҷҳизоти панелҳои офтобӣ санги асос гузоштанд
Пешвои миллат Эмомалӣ Раҳмон дар ноҳияи Данғара ба фаъолияти Маҷмааи фарҳангию фароғатии «Насими диёр» расман оғоз бахшиданд
Президенти мамлакат Эмомалӣ Раҳмон дар деҳаи Ғарғараи ноҳияи Данғара Маркази ташхис ва табобатиро ба истифода доданд
Сарвари давлат Эмомалӣ Раҳмон дар маркази деҳаи Ғарғараи ноҳияи Данғара гулгашт ва майдони Парчами давлатиро ифтитоҳ намуданд
Пешвои миллат Эмомалӣ Раҳмон дар ноҳияи Данғара Корхонаи истеҳсолии ҶДММ «Усто Файзалӣ»-ро ифтитоҳ намуданд
Президенти мамлакат Эмомалӣ Раҳмон дар ноҳияи Данғара коргоҳи истеҳсолии «Мушки Модар»-ро мавриди баҳрабардорӣ қарор доданд
БАХШИДА БА РӮЗИ ҶАҲОНИИ ФУТБОЛ. Дар Ҳисор майдончаи варзишӣ барои бозии футбол ба истифода дода шуд
Сарвари давлат Эмомалӣ Раҳмон дар деҳоти Корези ноҳияи Данғара бинои Мактаб-интернатро ифтитоҳ намуданд
Пешвои миллат Эмомалӣ Раҳмон дар ноҳияи Данғара Маркази саломатии бисёрсоҳаро мавриди истифода қарор доданд