Дар Хоруғ барои афсарону сарбозон хобгоҳи замонавӣ ба истифода дода шуд

Декабрь 23, 2023 08:44

ДУШАНБЕ, 23.12.2023 /АМИТ «Ховар»/.  Дар доираи корҳои созандагиву бунёдкорӣ бо мақсади истиқболи сазовори ҷашни 35- солагии Истиқлоли давлатии Ҷумҳурии Тоҷикистон дар дохили яке аз қисмҳои низомии қӯшунҳои зудамали Қувваҳои Мусаллаҳи мамлакат, воқеъ дар гарнизони Хоруғ барои афсарону сарбозон якчанд иншооти муҳими ҳарбӣ ва хобгоҳи кушоду барҳавои муосир мавриди баҳрабардорӣ қарор гирифтанд, хабар медиҳад АМИТ «Ховар» бо истинод ба Вазорати мудофиаи ҷумҳурӣ.

Хобгоҳи замонавӣ аз ду ошёна ва аз таҳхона иборат буда, дар масоҳати 1620 метри мураббаъ қомат афрохтааст ва барои беш аз 500 нафар ҳайати шахсӣ пешбинӣ гардидааст.

Дохили бино ва ҳуҷраҳои кориву хизматрасонии иншоот бо мизу курсӣ, ҳама намуди таҷҳизоти зарурӣ, воситаҳои алоқаи дохилӣ, шиору овезаҳои таблиғотӣ ва дигар шароити зарурии маишиву фароғатӣ муҷаҳҳаз гардонида шуда, баҳри назорати доимии дохилу ҳудуди қисми ҳарбӣ видеокамераҳои мушоҳидавӣ низ насб шудаанд. Хобгоҳи сарбозону тамоми ҳуҷраҳои кориву хизматии ҳайати шахсӣ ба системаи автономии гармидиҳӣ пайваст мебошад.

Дар доираи анҷоми корҳои ободонӣ роҳраву ҳудуди иншооти қисми низомӣ бетонпӯш шуда, дар назди хобгоҳ дар масоҳати ҳазор метри мураббаъ як майдон бунёд ва атрофи он бо растаниҳои ороишӣ хушнамо гардонида шудааст.

АКС: Вазорати мудофиаи Ҷумҳурии Тоҷикистон

Декабрь 23, 2023 08:44

Хабарҳои дигари ин бахш

Дар Мурғоб коргоҳи маҳсулоти қаннодии «Нозанин» ва 5 гармхона ба фаъолият шуруъ намуданд
Дар назди муассисаҳои таълимии ноҳияи Ванҷ синфхонаҳои иловагӣ ба истифода дода шуд
50 километр роҳи деҳоти Ҳисор ва Ориён то сарҳади Узбекистон таъмир мегардад
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар Мурғоб калонтарин неругоҳи офтобӣ ба истифода дода шуд
Дар Шуғнон корхонаҳои саноатӣ ва иншооти соҳаҳои тандурустӣ ва маориф ба истифода дода шуданд
Дар Хоруғ кӯдакистонҳо, маркази обуҳавошиносӣ ва майдончаи варзишӣ ба истифода дода шуд
Дар ноҳияи Мурғоб муассисаи таълимии томактабии «Лола» ба истифода дода шуд
Дар Бадахшон муассисаҳои кӯмаки аввалияи тиббию санитарӣ ба истифода дода шуданд
Сохтмони бинои Кумитаи иҷроияи Ҳизби Халқии Демократии Тоҷикистон дар вилояти Суғд идома дорад
35-СОЛАГИ ИСТИҚЛОЛИ ДАВЛАТӢ. Дар ноҳияи Спитамен беш аз 600 иншоот сохта ба истифода дода мешавад
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад