Дар шаҳри Бохтар Форуми соҳибкории G5 баргузор мегардад
ДУШАНБЕ, 20.12.2023 /АМИТ «Ховар»/. 22 декабр дар маркази маъмурии вилояти Хатлон –шаҳри Бохтар бо ибтикори Муассисаи давлатии «Ташаккул ва рушди соҳибкории Тоҷикистон»-и Кумитаи давлатии сармоягузорӣ ва идораи амволи давлатии Ҷумҳурии Тоҷикистон Форуми соҳибкории G5 бо иштироки беш аз 600 нафар соҳибкорони ватанӣ, намояндагони вазорату идораҳо, бахши хусусӣ, сармоягузорон ва шарикони рушд баргузор мегардад.
Тавре ба АМИТ «Ховар» дар Муассисаи давлатии «Ташаккул ва рушди соҳибкории Тоҷикистон» иттилоъ доданд, форум бори нуҳум аст, ки доир шуда, дар самти соҳибкорӣ дар Тоҷикистон имконияти нав пешниҳод менамояд. Нахустин маротиба бо ташаббуси Муассиса ва дастгирии Кумитаи давлатии сармоягузорӣ ва идораи амволи давлатии Ҷумҳурии Тоҷикистон Форуми G5 дар сатҳи минтақавӣ гузаронида мешавад.
Дар форум 6 соҳибкори муваффақи ватанӣ доир ба мавзуъҳои мубрами фаъолияти соҳибкорӣ ва инчунин таҷрибаву муваффақияти худ табодули афкор менамоянд.
Ҳадафи форум- баланд бардоштани малакаҳои соҳибкории ҷавонон, ҳавасманд ва ҷалб намудани онҳо ба фаъолияти соҳибкорӣ, муаррифии имконоти сайёҳии ҷумҳурӣ, рушди соҳаи кишоварзӣ ва мусоидат ба рушди иқтисоди мамлакат мебошад.
Форуми G5 метавонад ба рушди малакаҳои соҳибкории ҷавонон, таҳқиқи масъалаҳои иқтисоди рақамӣ, инчунин таҳкими муколама ва ҳамкории минбаъда байни мақомоти давлатӣ ва бахши хусусӣ мусоидат намояд.
Бояд гуфт, ки Пешвои миллат муҳтарам Эмомалӣ Раҳмон пайваста дар ҳама суханрониҳояшон дастгирии соҳибкорӣ, махсусан соҳибкории хурду миёна ва амалигардонии стартапҳоро дар ҷумҳурӣ таъкид менамоянд.
Таъсиси грантҳои президентӣ, барномаҳои гуногуни дастгирии давлатии соҳибкорӣ, Қонуни Ҷумҳурии Тоҷикистон «Дар бораи фаъолияти соҳибкорӣ», қонунҳои амалкунанда дар самти соҳибкорӣ аз тадбирҳои муҳим мебошанд. Қабули «Барномаи дастгирии давлатӣ ва рушди бахши хусусӣ дар Ҷумҳурии Тоҷикистон барои солҳои 2023-2027» низ далели дастгирии навбатии Ҳукумати мамлакат дар ин самт мебошад.
Баргузор намудани чунин форумҳо метавонад ба ҳавасманд гардонидани соҳибкорони навкор, пайдо намудани шарикони нави тиҷоратӣ, муколамаи доираҳои тиҷоратӣ ва ривоҷи ҳамкорӣ байни соҳибкорон мусоидат намояд.
АКС: Муассисаи давлатии «Ташаккул ва рушди соҳибкории Тоҷикистон»
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
