НИГОҲДОРИИ РОҲҲО ДАР ЗИМИСТОН. Масъулини Вазорати нақлиёти Тоҷикистон дар ин масъала гузориш доданд

Декабрь 5, 2023 15:22

ДУШАНБЕ, 05.12.2023 /АМИТ «Ховар»/. Аз сифати кори мо бехатарии ҳаракат дар роҳҳо, ҳамлу нақли саривақтии бору мусофирон ва фаъолияти мураттаби  соҳаҳои иқтисодиёту иҷтимоиёти ҷумҳурӣ  вобастагӣ дорад. Аз ин рў  роҳбарони идораҳои хоҷагиҳои  роҳҳои мошингарди ҷумҳурӣ ва кормандони онҳо   бояд масъулиятнокӣ нишон дода, корро тавре ба роҳ монанд, ки дар фасли зимистон аҳолӣ ҳангоми рафту омаду интиқоли бор ба мушкилӣ мувоҷеҳ нагарданд. Ин нуктаро Вазири нақлиёти Ҷумҳурии Тоҷикистон Азим Иброҳим  зимни ҷаласаи  назоратӣ  ҷиҳати   омодагӣ ба фасли зимистон, ки   бо  иштироки  роҳбарони идораҳои хоҷагии роҳҳои  мошингарди мамлакат тариқи маҷозӣ доир шуд, баён намуд. Дар ин хусус АМИТ «Ховар» бо истинод ба Вазорати нақлиёти мамлакат  хабар медиҳад.

Дар ҷаласа  иброз гардид, ки  дар вазорат ситоди омодагӣ ба зимистон  фаъолият дошта,  корро тибқи нақшаи чорабиниҳо тасдиқшуда ба роҳ  мондааст.

Дар ҷаласа масъулин оид ба  масъалаҳои омодагии техникаи роҳнигоҳдорӣ ва таъмини роҳдорон бо либоси зимистона, маводи зиддилағжиш, ҳамлу нақли зимистонии бор, мусофиркашонӣ ва дигар масъалаҳои марбута гузориш доданд.

Бино ба гузориши роҳбарони МД  «Идораи хоҷагии роҳҳои автомобилгард» («ИХРА»)-и ВМКБ, вилояти Суғд, минтақаҳои Кӯлоб, Ҳисор, Рашт ва Бохтар нақшаи захира кардани маводи зиддилағжиш, сӯзишвории  дизелӣ,  ангиштсанг ва ҳезум  пурра иҷро гардидааст.

Ба ҳолати 1 декабри соли равон,  дар маҷмуъ дар ҳамаи идораҳои хоҷагии роҳҳои  мошингарди номбаршуда 38874 метри мукааб маводи зиддилағжиш, 175 844 литр сӯзишвории дизелӣ, 233 тонна ангишт, 101,2  метри мукааб ҳезум захира карда шудааст.

Дар муассисаҳои давлатии  «ИХРА»-и ВМКБ аз 93 адад техникаҳои зимистонгузаронӣ 76 адад, вилояти Суғд аз 119 адад техника 117 адад, минтақаки Кӯлоб аз 103 адад техника  76 адад, минтақаи Ҳисор аз 66 адад техника 64 адад, минтақаи Рашт аз 49 адад техника 48 адад ва минтақаи Бохтар аз 75 адад техника 70 адад, дар маҷмуъ дар тамоми ҷумҳурӣ аз 505 адад техникаи зимистонгузаронӣ 455 адад пурра ба кор омода карда шудаанд.

Вазири нақлиёт ҷиҳати то ҳол пурра иҷро нагардидани нақшаи таъмиру омодасозӣ ва аз 505 адад дар ҳолати  корношоям қарор доштани 29 адад техникаи зимистонгузаронӣ изҳори нигаронӣ намуда,  ба роҳбарони идораҳои хоҷагии роҳҳои мамлакат ҷиҳати дар муҳлатҳои наздиктарин бартараф сохтани камбудиҳои ҷойдошта дастуру супоришҳои мушаххас дод.

АКС: Вазорати нақлиёти Ҷумҳурии Тоҷикистон

 

Декабрь 5, 2023 15:22

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Исломии Покистон Шаҳбоз Шариф барқияи табрикӣ ирсол намуданд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад