6 МЕДАЛ. Кори олимони Донишгоҳи миллии Тоҷикистон дар Намоишгоҳи байналмилалии ихтироъкорони ҷаҳон сазовори баҳои баланд гардид
ДУШАНБЕ, 12.02.2024 /АМИТ «Ховар»/. Аз 4 то 7 феврали соли 2024 дар шаҳри Ал-Кувайти давлати Кувайт Намоишгоҳи 14-уми байналмилалии ихтироъкорони ҷаҳон баргузор гардид. Дар он дар байни 65 кишвари ҷаҳон 10 олиму профессор ва ихтироъкор аз Ҷумҳурии Тоҷикистон иштирок намуда, соҳиби 6 медал гардиданд, хабар медиҳад АМИТ «Ховар» бо истинод ба Донишгоҳи миллии Тоҷикистон.
Аз Донишгоҳи миллии Тоҷикистон 6 нафар, аз ҷумла доктори илмҳои химия, профессорон Мубашширхон Раҳимова, Сироҷиддин Раҷабзода ва номзади илмҳои химия, дотсентон Мавлуда Давлатмамадова, Ҷаҳонгул Давлатшоева, Назира Бекназарова ва Муқаддас Қурбонова корҳои ихтирооташонро пешниҳод намуданд
Баъд аз натиҷагирии ҳайати баландпояи ҳакамон, ки аз муассисаҳои таълимӣ, илмӣ ва истеҳсолии ҷаҳонӣ созмон ёфта буд, маросими расмии ҷоизасупорӣ баргузор гардид. Дар маросим вазири таҳсилоти олӣ ва пажуҳиши илмии Давлати Кувайт, доктор Одил ал-Удвонӣ, намояндагони марказҳои илмӣ-таҳқиқотӣ ва истеҳсолии Кувайт ва аъзои корпуси дипломатии муқими кишвари иқомат бо ҳузури васеи намояндагони воситаҳои ахбори оммаи кувайтӣ иштирок намуданд.
Дар байни 145 иштирокчӣ аз 65 давлати ҷаҳон олимони Донишгоҳи миллии Тоҷикистон бо 2 медали тилло, 1 Ҷоизаи WOIS (Созмони ҷаҳонии моликияти зеҳнӣ), 1 медали нуқра ва 3 медали биринҷӣ сарфароз гардиданд.
Ихтирооти пешниҳодшуда бештар ба самти илмҳои табиатшиносӣ, дақиқ ва риёзӣ бахшида шуда буд. Ҳайати ҳакамон ба ихтирооти олимони тоҷик баҳои баланд дода, ба он таваҷҷуҳи хосса зоҳир намуданд. Дар назар аст, ки дар наздиктарин рӯзҳо грантҳои илмӣ байни олимони тоҷик ва олимони давлати Кувайт амалӣ гарданд.
АКС: Донишгоҳи миллии Тоҷикистон
Дар Донишгоҳи давлатии ҳуқуқ, бизнес ва сиёсати Тоҷикистон шумораи шартномаҳои ҳамкорӣ бо муассисаҳои хориҷӣ ба 149 адад расидааст
ТАҲСИЛОТИ ТОМАКТАБӢ. Дар ин самт кадом мушкилот ҷой доранд?
Лоиҳаи Қонуни Ҷумҳурии Тоҷикистон «Дар бораи мақоми омӯзгор» барои баррасӣ ба Маҷлиси намояндагон ирсол карда шуд
Дар Донишгоҳи миллии Тоҷикистон 12 ихтисоси нав таъсис дода шуд
НИШАСТИ МАТБУОТӢ. Донишҷӯёни Донишгоҳи миллии Тоҷикистон дар донишгоҳҳои хориҷӣ табодули академиро муваффақона анҷом доданд
НИШАСТИ МАТБУОТӢ. 20 донишҷӯи Донишгоҳи давлатии Данғара соҳиби дипломи аъло гардид
Барномаи давлатии рушди муассисаҳои соҳаи маорифи вилояти Хатлон дар марҳилаи дуюм барои солҳои 2025-2027 тасдиқ гардид
НИШАСТИ МАТБУОТӢ. 27 муассисаи таълимӣ барои ба талабот мутобиқат накардан танҳо ба муҳлати ду сол аз аттестатсия гузашта ҳисобида шуд
Донишгоҳи байналмилалии сайёҳӣ ва соҳибкории Тоҷикистон ҳамкориро бо Бунёди Ҳаннс Зайдел тақвият медиҳад
ТАҲСИЛОТИ РАҚАМӢ. Бақайдгирии хонандагони синфи 1 ба муассисаҳои таълимии пойтахт тавассути «eDonish» амалӣ мегардад
Нақшаи қабули довталабон ба Донишгоҳи байналмилалии забонҳои хориҷии Тоҷикистон 90 фоиз иҷро гардид
НИШАСТИ МАТБУОТӢ. Дар Донишгоҳи давлатии молия ва иқтисоди Тоҷикистон шаш ихтисоси нав ташкил карда шуд
