Ҳамкории Кумитаи таҳсилоти ибтидоӣ ва миёнаи касбии Тоҷикистон бо муассисаҳои таҳсилоти касбии Шоҳигарии Арабистони Саудӣ баррасӣ шуд
ДУШАНБЕ, 22.02.2024 /АМИТ «Ховар»/. Мулоқоти Раиси Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар—Рушайдон доир гардид, хабар доданд ба АМИТ «Ховар» дар ин кумита.
Раиси Кумитаи таҳсилоти ибтидоӣ ва миёнаи касбӣ дар робита ба ҳамкории илмии дуҷониба ва самтҳои афзалиятноки фаъолияти кумитаи навтаъсис маълумоти мушаххас дод.
Иброз гардид, ки Шоҳигарии Арабистони Саудӣ яке аз мамлакатҳои муҳим дар Шарқи Наздик ва Миёна ба ҳисоб рафта, дар муносибати дуҷониба ва бисёрсамтааш бо Ҷумҳурии Тоҷикистон дар соҳаҳои иқтисодиёт, сиёсат, фарҳанг, рушди сайёҳӣ, маориф, тандурустӣ ва дигар самтҳо лоиҳаҳои бузургро амалӣ месозад.
Валид ибни Абдураҳмон ар-Рушайдон пешниҳод намуд, ки Кумитаи таҳсилоти ибтидоӣ ва миёнаи касбӣ бо муассисаҳои таҳсилоти касбии Шоҳигарии Арабистони Саудӣ ҳамкории дуҷониба амалӣ намояд.
Фарҳод Раҳимӣ таклифҳои сафирро муҳим арзёбӣ намуда, омодагии кумитаро вобаста ба ташкил ва таҳкими ҳамкории муштарак изҳор намуд. Иброз гардид, ки сатҳи ҳамкории илмии дуҷонибаи ҷавобгӯ ба талабот зарурати тавсеа ва тақвияти ҳамкориро талаб менамояд.
Пешниҳод шуд, ки лоиҳаи созишномаҳои ҳамкорӣ бо ин муассисаҳои Шоҳигарии Арабистони Саудӣ таҳия шуда, тибқи муқаррарот пас аз мувофиқа ва гузаронидани расмиёти мувофиқасозии дохили давлатӣ амалӣ шаванд.
АКС: Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
То 23 июл дар Тоҷикистон баландшавии ҳарорати ҳаво дар назар аст
Ҳизби Халқии Демократии Тоҷикистон дар рушди иҷтимоию иқтисодии мамлакат нақши калидӣ дорад
Ҳизби Халқии Демократии Тоҷикистон барои пешрафти устувору бомароми мамлакат талош менамояд
Барои кормандони мақомоти молияи шаҳру ноҳияҳои Тоҷикистон машварати омӯзишӣ гузаронида шуд
Институти масъалаҳои об, гидроэнергетика ва экология бо дастгоҳи лаборатории мобилии санҷиш ва таҳқиқи захираҳои об таъмин гардид
Дар Тоҷикистон 30 муассисаи тандурустӣ ба истифода дода шуд
Дар Пекин вазъ ва дурнамои татбиқи санадҳои ҳуқуқии Тоҷикистон ва Чин дар самти мақомоти иҷро баррасӣ гардид
Муовини Сарвазири Тоҷикистон бо сохтмони манзилҳои зист барои оилаҳои аз заминларза зарардидаи ноҳияи Тоҷикобод шинос шуд
Ҳамкории илмию таҳлилии Тоҷикистон ва Олмон густариш меёбад
Шаҳрвандони Тоҷикистон метавонанд дар муассисаҳои таҳсилоти касбии Олмон таҳсил намоянд
ЗИҲӢ САРВАР, ЯТИМОНРО ПУШТИБОНУ ЁВАР!!!
15-18 июл дар Тоҷикистон Мактаби тобистонаи таълими ҳуқуқи инсон баргузор мегардад
