Дар Осорхонаи миллӣ ба ифтихори Рӯзи таъсиси Шоҳигарии Арабистони Саудӣ намоиши аксҳо баргузор гардид

Февраль 23, 2024 11:00

ДУШАНБЕ, 23.02.2024 /АМИТ «Ховар»/. Дар Осорхонаи миллии Тоҷикистон дар доираи ҳамкории фарҳангии Ҷумҳурии Тоҷикистон ва Арабистони Саудӣ ва ба ифтихори Рӯзи таъсиси Шоҳигарии Арабистони Саудӣ намоиши ҷашнии аксҳо баргузор гардид, ки дар он намояндагии корпуси дипломатии муқими Тоҷикистон, созмонҳои байналмилалӣ, намояндагони вазорату кумитаҳои давлатии Ҷумҳурии Тоҷикистон ва ҳайати кормандону роҳбарияти Осорхонаи миллӣ иштирок намуданд. Дар ин хусус ба АМИТ «Ховар» сардори шуъбаи методӣ ва омода намудани кадрҳои илмии Осорхонаи миллӣ Алишер Зарипов иттилоъ дод.

Дар ибтидои намоиш Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон Валид Абдураҳмон ар- Рушайдон гуфт, ки ҳамасола 22 феврал Шоҳигарии Арабистони Саудӣ бо номи «Рӯзи таъсис» санаи таъсиси мамлакатро таҷлил менамояд.

Ҳамзамон дипломати саудӣ доир ба таърихи таъсиси мамлакати Арабистони Саудӣ, марҳилаҳои рушду пешрафти соҳаҳои иқтисодию иҷтимоӣ ва фарҳангии ин кишвар ибрози назар намуд.

Дар намоиш аксҳое, ки таҷассумгари таъриху фарҳанг, расму оин ва анъанаҳои миллии Шоҳигарии Арабистони Саудӣ мебошанд, ба маърази тамошо гузошта шуданд.

АКС: Осорхонаи миллии Тоҷикистон

Февраль 23, 2024 11:00

Хабарҳои дигари ин бахш

Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд