Дастаи мунтахаби Тоҷикистон оид ба бокс барои гирифтани роҳхати олимпӣ ба Италия меравад
ДУШАНБЕ, 29.02.2024. /АМИТ «Ховар»/. Аз 3 то 11 март дар шаҳри Бусто-Арсизиои Италия мусобиқаи 1-уми ҷаҳонии интихобии олимпӣ оид ба бокс баргузор мешавад, ки дар он дастаи мунтахаби Тоҷикистон оид ба бокс иштирок менамояд. Дар ин хусус АМИТ «Ховар» бо истинод ба Федератсияи бокси Тоҷикистон хабар медиҳад.
Дар сабқатҳо 632 варзишгар (399 мард ва 233 зан) аз 112 давлат, инчунин дастаи паноҳандагон иштирок менамоянд. Дар мусобиқа 49 роҳхат ба Олимпиадаи Париж аз рӯи 13 вазн (7 вазн байни мардон – 28 роҳхат, 6 вазн байни занон – 21 роҳхат) дода мешавад. Аз ҷумла, дар ҳамаи вазнҳо варзишгароне, ки то нимфинал мерасанд – 4 роҳхат дар ҳар вазн, ба истиснои вазни 57 кг (2 роҳхат) ва 60 кг (3 роҳхат) байни занон соҳиби роҳхат ба Париж мешаванд.
Федератсияи бокси Тоҷикистон дастаи мунтахабро пурра ба Италия ҷалб менамояд. Қабл аз чорабинӣ дастаи мунтахаби мамлакат дар Черногория ба ҷамъомади машқӣ фаро гирифта шуд.
Мусобиқаи дуюм ва охирини ҷаҳонии интихобии олимпӣ моҳи май дар Бангкоки Тайиланд доир мешавад.
Ҳоло Тоҷикистон ду роҳхати олимпӣ дорад, ки ҳардуро муштзанҳо Миҷгона Самадова (57 кг) ва Давлат Болтаев (92 кг) сазовор гардидаанд.
АКС: Федератсияи бокси Тоҷикистон
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
Ҳайати васеи дастаи мунтахаби Тоҷикистон барои бозиҳои дӯстонаи моҳи июн эълон гардид
РӮЗИ ҶАВОНОН. Дар Москва бо варзишгарони тоҷик, аз ҷумла варзишгарони параолимпӣ вохӯрӣ баргузор гардид
Мадина Қурбонзода: «Бо роҳнамоиҳои Пешвои миллат тавонистам дар мусобиқоти сатҳи баланд Парчами давлатиро парафшон созам»
Бахшида ба Рӯзи ҷаҳонии футбол дар Кӯлоб барномаи бошукуҳи варзишию фарҳангӣ доир шуд
Ҷавонони шаҳри Хуҷанд дар мусобиқаҳои сатҳи гуногун беш аз 2600 медал ба даст оварданд
Бахшида ба Рӯзи ҷаҳонии футбол дар ноҳияи Шаҳринав Фестивали бозиҳои варзишӣ баргузор гардид
Парчамбардорони тоҷик хотираи қаҳрамонони миллатро пос доштанд
