ҲИСОББАРОБАРКУНИИ ҒАЙРИНАҚДӢ. «Амонатбонк» ба филиалҳояш 558 ҳазор корти беноми «Фарогир» дастрас намуд
ДУШАНБЕ, 12.02.2024 /АМИТ «Ховар»/. Бо мақсади иҷрои Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркунии ғайринақдӣ» «Амонатбонк» инфрасохтори заруриро дар нозироти андоз, филиалҳо ва марказҳои хизматрасонии бонкӣ дар саросари ҷумҳурӣ фароҳам овардааст. Дар ин хусус раиси Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Алиҷон Салимзода зимни нишасти матбуотӣ ба хабарнигорон иттилоъ дод.
Раиси «Амонатбонк» иброз дошт, ки ҷиҳати ба роҳ мондани пардохти ҳамаи андозҳо, боҷҳои давлатӣ ва дигар намудҳои хизматрасонии давлатӣ «Амонатбонк» дар маҷмуъ 1 ҳазору 63 постерминал фаъол намуд. Дар ташкилоту муассисаҳои давлатӣ 2 ҳазору 555 ва дар бахши хусусӣ 760 постерминал насб гардидааст.
Барои хизматрасонии саривақтӣ ба мизоҷон беш аз 558 ҳазор кортҳои беноми «Фарогир» интишор гардида, ба филиалҳо дастрас шуданд. Таъкид гардид, ки барномаи мобилии «Амонатбонк» «Амонат-мобайл» қабули пардохтҳои ҳатмӣ ва ҳамгироиро бо иқтидори иттилоотии мақомоти давлатӣ ва бахши хусусӣ таъмин менамояд. Шумораи умумии истифодабарандагони барномаи «Амонат-мобайл» 779 ҳазор нафарро ташкил медиҳад.
Дар замимабарномаи мобилии «Амонатбонк»- «Амонат-мобайл» мутобиқати технологии хизматрасонии вазоратҳои корҳои дохилӣ, тандурустӣ, молия, Вазорати маориф ва илм, Кумитаи андоз, Хадамоти гумрук ва дигар мақомоти давлатӣ анҷом дода шудаанд.
Инчунин барои анҷом додани хизматрасонии ғайринақдӣ дар саҳифаи расмии «Амонатбонк» равзанаи алоҳида омода ва мавриди истифода қарор дорад.
Дар Тоҷикистон дар асоси Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, хизматрасонии коммуналӣ, намудҳои дигари хизматрасонии давлатӣ, инчунин қабули маблағҳо аз ҷониби вазорату идораҳо ва ташкилоти давлатӣ тариқи ғайринақдӣ амалӣ мешавад.
Марзия САИДЗОДА,
АМИТ «Ховар»
АКС аз манбаъҳои боз
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ҚУРБИ АСЪОР: 1 рубли русӣ аз 0.1170 то 0.1186 сомонӣ муқаррар шудааст
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
