Ғолибони озмунҳои сатҳи баланд дар Донишгоҳи давлатии омӯзгории Тоҷикистон аз пардохти маблағи шартнома озод мегарданд

Февраль 8, 2024 14:53

ДУШАНБЕ, 08.02.2024. /АМИТ «Ховар»/. Донишҷӯёне, ки дар олимпиадаҳову озмунҳои сатҳи ҷумҳуриявию байналмилалӣ сазовори ҷойҳои ифтихорӣ мегарданд ва дар донишгоҳ тариқи шартномавӣ таҳсил менамоянд, аз пардохти маблағи шартномаи таҳсил минбаъд  озод гардида,  ба зинаи магистратура ва  докторантура  аз рӯи ихтисос Phd ба таври ройгон қабул карда мешаванд. Чунин изҳор дошт ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода дар вохӯрӣ бо иштирокдорони озмунҳову олимпиадаҳои дохилидонишгоҳиву ҷумҳуриявӣ, барандагони стипендияҳои Президенти Тоҷикистон ва Раиси шаҳри Душанбе.  Дар ин хусус АМИТ «Ховар» бо истинод ба ин донишгоҳ хабар медиҳад.

Дар вохӯрӣ гуфта шуд, ки аз ҷониби раёсати Донишгоҳи давлатии омӯзгории Тоҷикистон ба номи Садриддин Айнӣ ҳамеша донишҷӯёне, ки дар олимпиадаҳову озмунҳои ҷумҳуриявӣ иштирок намуда, сазовори ҷойҳои намоён мешаванд, бо мукофотҳои пулӣ қадрдонӣ мегарданд. Танҳо соли 2023 ба ҳамаи иштирокдорони озмунҳо дар умум ба маблағи зиёда аз 300 ҳазор сомонӣ мукофотҳои пулӣ тақдим шуданд.

Таъкид гардид, ки ғолибони ин озмунҳо бо мукофотҳои пулӣ, аз ҷумла нафаре, ки соҳиби Шоҳҷоиза мегардад, бо маблағи 20 ҳазор сомонӣ ва нафароне, ки ҷойҳои 1, 2 ва 3-юмро соҳиб мегарданд, бо маблағҳои 10 000, 7000, 5000 сомонӣ ва роҳбарони онҳо бо 5000 сомонӣ қадрдонӣ мешаванд.

АКС: Донишгоҳи давлатии омӯзгории Тоҷикистон ба номи Садриддин Айнӣ

Февраль 8, 2024 14:53

Хабарҳои дигари ин бахш

«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
ПАЙВАНДИ ИЛМ БО ИСТЕҲСОЛОТ ЗАМИНАИ ГУСТАРИШИ СОҲАҲОИ ҲАЁТИ ҶОМЕА. Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд
Дар Донишгоҳи байналмилалии забонҳои хориҷии Тоҷикистон ҳамоиши илмӣ-амалӣ баргузор шуд
БАРНОМАИ ДАВЛАТИИ ТАКМИЛИ ТАЪЛИМ ВА ОМӮЗИШИ ЗАБОНҲОИ РУСӢ ВА АНГЛИСӢ. Дар Душанбе конференсияи байналмилалӣ доир шуд
Тоҷикистон ва Олмон ҳамкориро дар соҳаи маориф тақвият медиҳанд
Байни Коллеҷи омӯзгории ба номи Хосият Махсумова ва Донишгоҳи омӯзгории Нейҷани Чин санади ҳамкорӣ ба имзо расид
Дар Донишгоҳи давлатии Бохтар барои ҷалби ҷавонон ба навоварию ихтироъкорӣ машварат доир шуд

Маводҳои таҳлилӣ