Раиси вилояти Хатлон бо соҳибкорон ва тоҷикони муқими шаҳри Екатеринбурги Русия вохӯрӣ намуд
ДУШАНБЕ, 17.02.2024. /АМИТ «Ховар»/. Гурӯҳи намояндагони Мақомоти иҷроияи ҳокимияти давлатии вилояти Хатлон бо роҳбарии Раиси вилоят Давлаталӣ Саид дар шаҳри Екатеринбурги Федератсияи Русия бо соҳибкорон ва тоҷикони муқими ин шаҳр вохӯрӣ намуд. Дар ин хусус АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон хабар медиҳад.
Ҳадаф аз ин вохӯрӣ гузаронидани суҳбати озод, муколамаи судманд ва бохабар шудан аз ҳолату вазъи имрӯзаи ҳамватанони мо дар хориҷи мамлакат арзёбӣ шуд.
«Боиси хушнудист, ки муносибати дуҷонибаи стратегии Тоҷикистону Русия густариш ёфта, мулоқоти мунтазами сарони ду давлат барои таҳкими бештари ҳамкорӣ заминаи мусоид фароҳам меорад», -гуфта шуд дар вохӯрӣ.
Раиси вилояти Хатлон иброз дошт, ки дар партави сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соли 2023 бо азму талоши сокинони мамлакат иқдому ташаббусҳои созанда вусъат гирифта, мардуми сарбаланди мо ба хотири боз ҳам ободу зебо гардонидани Ватани аҷдодӣ сарҷамъу аҳлона ва беш аз ҳар вақти дигар заҳмат кашида, ба дастовардҳои бузург ноил гардиданд. Умуман дар соли 2023 суръати баланди рушд баробар ба 8,3% таъмин гардид.
Таъкид шуд, ки дар ҳошияи ҷашнҳои бузурги миллӣ, аз ҷумла таҷлили 35-солагии Истиқлолияти давлатии Ҷумҳурии Тоҷикистон ва Ваҳдати миллӣ хурду бузурги мамлакат бо ҳисси баланди ватандӯстиву меҳанпарастӣ ва дастгирӣ аз сиёсати хирадмандонаи Пешвои миллат барои ободу зебо гардонидани ҳар гўшаи Тоҷикистон, бунёди корхонаҳои хурду миёнаи истеҳсолию хизматрасонӣ, сохтмон ва таъмири роҳҳои автомобилӣ, пулу нақбҳо, садҳо муассисаҳои маорифу тандурустӣ, фарҳангу варзиш ва дар ин замина таъсиси ҷойҳои нави корӣ саҳмгузорӣ намуда истодаанд.
Соҳибкорони тоҷики муқимии Русия дар мулоқот изҳор доштанд, ки барои сохтмони корхонаҳои истеҳсолӣ, иншооти иҷтимоӣ, махсусан мактабҳо ва боғчаҳои кӯдаконаи хусусӣ саҳмгузорӣ менамоянд.
Дар вохӯрӣ оид ба масъалаи гаравидани ҷавонон ба ҳаракатҳои экстремистию террористӣ ва пешгирӣ аз он сухан гуфтанд.
АКС: Шуъбаи иттилоотию таҳлилии дастгоҳи раиси вилояти Хатлон
Тавсеаи ҳамкории Бонки миллии Тоҷикистон ва Департаменти хазинадории Амрико дар Душанбе баррасӣ гардид
ҲИСОББАРОБАРКУНИИ ҒАЙРИНАҚДӢ. Дар соҳаи нақлиёт ҳиссаи пардохтҳои ғайринақдӣ ба таври бесобиқа афзоиш ёфтааст
Соҳибкорони соҳаи кишоварзии Тоҷикистон бо технологияи коркарди меваи хушк дар Узбекистон шинос гардиданд
Дар Британияи Кабир масъалаи ифтитоҳи парвозҳои мустақим дар хатсайри Душанбе – Лондон баррасӣ шуд
САБЗГАРДОНИИ НАҚЛИЁТИ МУСОФИРБАР. Имсол ба Тоҷикистон 5266 мошини барқӣ ворид карда шуд
Ҳангоми бақайдгирии давлатӣ минбаъд ба автомобилҳои барқӣ рақамҳои сабз дода мешаванд
Дар Душанбе байни «Тоҷикаэронавигатсия» ва «Узаэронавигатсия» Ёддошти ҳамкорӣ ба имзо расид
«АЗ ПИРЯХҲО ТО ХОҶАГИҲО». Лоиҳаҳои афзалиятнок бо назардошти тағйирёбии иқлим барои Тоҷикистон баррасӣ шуданд
Дар Душанбе Форуми тиҷоратӣ-сармоягузории Тоҷикистон ва Қазоқистон баргузор мегардад
Байни Тоҷикистон ва Бонки Осиёии Рушд созишномаҳои грантӣ ба имзо расиданд
Созишномаи сармоягузорӣ оид ба ташкили корхонаи истеҳсоли мошинҳои зиреҳпӯш ва таҷҳизоти махсус дар Тоҷикистон ба имзо расид
Дар Ҳафткӯл ниммарафони кӯҳии ЭКО баргузор мегардад
