Дар Олмон ҳамкории Тоҷикистон бо намояндагони соҳаи сайёҳии давлатҳои хориҷӣ ва ширкатҳои байналмилалӣ баррасӣ шуд
ДУШАНБЕ, 10.03.2024 /АМИТ «Ховар»/. Дар ҳошияи иштирок дар Намоишгоҳи байналмилалии сайёҳии ITB -Berlin 2024, ки дар шаҳри Берлини Ҷумҳурии Федеративии Олмон баргузор гардид, вохӯрии муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён бо як зумра намояндагони соҳаи сайёҳии давлатҳои хориҷӣ ва ширкатҳои сайёҳии байналмилалӣ, аз ҷумла сардори Департаменти рушди Маъмурияти миллии сайёҳии Гурҷистон Анна Кекелия, намояндаи Wanderlust Давид Риид, намояндаи телевизиони History Люсия Ламберт, намояндаи давлати Қатар ва намояндагони Fairmont Серен Файоми, Trescher Verlag Baltic Exposervice доир шуд. Дар ин хусус АМИТ «Ховар» бо истинод ба ин кумита хабар медиҳад.
Зимни вохӯрӣ масъалаҳои мубрами соҳаи сайёҳӣ, аз ҷумла рушди ҳамкорӣ барои ҷалби сайёҳони хориҷӣ ба Ҷумҳурии Тоҷикистон, таҳия намудани хатсайрҳои сайёҳии мухталиф, табодули таҷриба ва дигар масъалаҳо мавриди муҳокима қарор дода шуданд.
Ҳамзамон аз ҷониби муовини якуми раиси кумита Рустам Холматиён имконоти сайёҳии Тоҷикистон, аз ҷумла сайёҳии шикор, экологӣ, табобатию солимгардонӣ ва кӯҳнавардӣ муаррифӣ шуданд.
Вохӯрӣ дар фазои якдигарфаҳмӣ ва ҳусни тафоҳум ба анҷом расида, ҷонибҳо ҳавасмандиашонро барои густариши ҳамкории минбаъда иброз доштанд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Телефони боварии Кумитаи рушди сайёҳӣ мушкили беш аз 30 ҷаҳонгарди хориҷиро бартараф намуд
НИШАСТИ МАТБУОТӢ. 34 ҳазору 80 нафар сайёҳони дохилию хориҷӣ минтақаҳои истироҳатӣ ва мавзеъҳои таърихии ноҳияи Варзобро тамошо намуданд
Ба шаҳри Норак беш аз 39 ҳазор сайёҳи дохилию хориҷӣ ворид гардид
НИШАСТИ МАТБУОТӢ. Дар Тоҷикистон шумораи сайёҳони хориҷӣ ва субъектҳои хизматрасони сайёҳӣ зиёд шудааст
Донишгоҳи байналмилалии сайёҳӣ ва соҳибкории Тоҷикистон ҳамкориро бо Бунёди Ҳаннс Зайдел тақвият медиҳад
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
Соли 2025 ба шаҳри Душанбе беш аз 450 ҳазор сайёҳ ворид гардид
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Ҳамкории Тоҷикистон ва Муғулистон дар соҳаи сайёҳӣ густариш меёбад
Ҳайати Экспедитсияи байналмилалии «Саёҳат ба қалби Авруосиё» ба шаҳри Душанбе расид
