Бо мақсади баланд бардоштани сатҳу сифати таълиму тарбия дар шаҳри Ҳисор ҳамоиш доир гардид
ДУШАНБЕ, 03.04.2024. /АМИТ «Ховар»/. Бо мақсади иҷрои талаботи Қонуни Ҷумҳурии Тоҷикистон «Дар бораи маориф» ва Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дар шаҳри Ҳисор ҳамоиш доир шуд. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Вазири маориф ва илми Ҷумҳурии Тоҷикистон вазъи таълиму тарбияро дар муассисаҳои таълимии шаҳр мавриди таҳлилу баррасӣ қарор дода, вобаста ба ислоҳи саривақтии камбудиҳои ҷойдошта дар ин самт масъулини соҳаро муваззаф намуд.
Раиси шаҳри Ҳисор аз суханронии Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дин ёдовар шуда, гуфт, ки «вақте фарзанд бесавод мемонад, бе касб мемонад, бе ҳунар мемонад, ӯ ё дар кӯча ба корҳои паст даст мезанад ё ҷиноят содир менамояд, яъне дар зиндагӣ доим азият мекашад. Вазифаи мову шумо он аст, ки онҳоро тарбия кунем, соҳиби касбу ҳунар гардонем, илм омӯзонем, ки баъди сари мову шумо зиндагии мустақилонаашонро пеш бурда тавонанд».
Аз ҷониби вазир ва раиси шаҳр изҳори итминон карда шуд, ки масъулони соҳаи маорифи шаҳр аз эродҳо нисбат ба вазъи таълиму тарбия дар муассисаҳои шаҳр хулосаи зарурӣ бароварда, дар ҳамкорӣ бо Вазорати маориф ва илми ҷумҳурӣ раванди таълиму тарбияро дар ҳама самтҳо таҳкиму тақвият мебахшанд.
Дар ҳамоиш ҳамзамон ҳамкории муассисаҳои таълимӣ бо кумитаҳои падару модарон, риояи либосҳои тавсиявӣ аз ҷониби хонандагон, таъмини хонандагон бо китобҳои дарсӣ, бо худ овардани китобҳои дарсӣ аз ҷониби хонандагон, пардохти ғайринақдии маблағи иҷораи китобҳои дарсӣ, баланд бардоштани ҳисси миллии хонандагон, ҷобаҷогузории дурусти кадрҳои роҳбарикунанда дар муассисаҳои таълимӣ, фарогирии саросарии кӯдакону наврасон ба таълиму тарбия ва гирифтани пеши роҳи воридшавии хонандагон ба ҳизбу ҳаракатҳои гуногун мавриди баррасӣ қарор дода шуд.
АКС: Маркази матбуоти Вазорати маориф ва илми Ҷумҳурии Тоҷикистон
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
Доир ба нақши Иҷлосияи XVI Шурои Олӣ дар инкишофи давлатдории навини тоҷикон конференсия баргузор шуд
Дар Душанбе масъалаи таҳсилоти босифат баррасӣ гардид
Донишгоҳи миллии Тоҷикистон ҳамкориро бо Донишгоҳи омӯзгории Синзян тақвият мебахшад
Вобаста ба саҳми Пешвои миллат дар рушди фарҳанги миллӣ конференсия баргузор гардид
Таҳти унвони «Эмомалӣ Раҳмон-кафили сулҳу субот ва ояндаи дурахшони Тоҷикистон» ҳамоиш баргузор гардид
