Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд

Апрель 23, 2024 11:35

ДУШАНБЕ, 23.04.2024 /АМИТ «Ховар»/. Бо мақсади баланд бардоштани сатҳу сифати хизматрасонӣ имсол дар корхонаҳои таъмирии Корхонаи воҳиди давлатии /КВД/ «Роҳи оҳани Тоҷикистон» ба маблағи 13,3 миллион сомонӣ 32 вагон аз таъмири асосӣ ва 97 вагон аз таъмири умумӣ бароварда шуд, хабар медиҳад АМИТ «Ховар» бо истинод ба Вазорати нақлиёти Тоҷикистон.

Аз 32 вагони аз таъмири асосӣ бароварда 30 вагон боркаш ва 2 вагон мусофиркаш мебошад. Аз 97 вагони аз таъмири умумӣ бароварда 96-тоашро вагонҳои боркаш ва 11 вагонро мусофиркаш ташкил медиҳад. Инчунин дар айни замон ба маблағи беш аз 2,4 миллион сомонӣ корҳои таъмири хати роҳ, бардоштан ва иваз намудани релсҳои роҳи оҳан анҷом дода шуданд.

Бо вуҷуди андешидани тадбирҳои зарурӣ дар самти таъмиру таҷдиди вагонҳои Корхонаи воҳиди давлатии «Роҳи оҳани Тоҷикистон» фарсудашавӣ ва аз кор баромадани вагонҳо ва локомотивҳо барои корхона чун мушкилии ҷиддӣ боқӣ мемонад, гуфта мешавад дар хабар.

Аз ин рӯ, аз ҷониби роҳбарияти Вазорати нақлиёти мамлакат ба масъулини Корхонаи воҳиди давлатии «Роҳи оҳани Тоҷикистон» супориш дода шуд, ки дар ҳамкории зич бо идораи робитаҳои байналмилалии вазорат, дигар вазорату идораҳои марбута барои марҳила ба марҳила навсозӣ намудани парки локомотивҳо, вагонҳои боркаш ва мусофирбар, инчунин дар доираи имконият аз ҳисоби даромади корхона харидани вагонҳо ва маводи рангубор сармояи хориҷӣ ва дохилиро ҷалб намоянд.

АКС аз манбаъҳои боз

Апрель 23, 2024 11:35

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд