Дар Тоҷикистон соҳаи аритмиология рушд меёбад

Апрель 12, 2024 09:14

ДУШАНБЕ, 12.04.2024 /АМИТ «Ховар»/. Дар доираи ҳамкории дуҷониба мутахассисони Муассисаи давлатии «Маркази ҷумҳуриявии илмии ҷарроҳии дилу рагҳо»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба марказҳои пешрафтаи Ҷумҳурии Исломии Эрон ҷалб гардида, баъди омӯзиш ва аз худ кардани нозукиҳои усулҳои муосири ҷарроҳӣ дар Маркази ҷумҳуриявии илмии ҷарроҳии дилу рагҳо ба фаъолият оғоз намуданд. Дар ин хусус АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.

Бо мақсади мубодилаи таҷриба, омӯзиши нозукиҳои усулҳои пешрафтаи тиббӣ, ки зимни амалиёти мураккаб истифода мегарданд, давоми солҳои охир мутахассисони ҷавони соҳаи тиб ба кишварҳои хориҷӣ ҷалб гардида, донишу таҷрибаашонро баланд мебардоранд.

Ҳамзамон пас аз омӯзиш табибони ин марказ дар ҳамкорӣ бо мутахассисони соҳибтаҷрибаи кишварҳои пешрафта амалиёти навро ҷорӣ менамоянд.

Бо мақсади мубодилаи таҷриба ва ба роҳ мондани усулҳои нави табобати бемориҳои аритмиологӣ мутахассиси аритмиолог, профессори Маркази омӯзишии дармонӣ ва таҳқиқоти қалб ва уруғӣ ба номи Шаҳид Раҷоии шаҳри Теҳрони Ҷумҳурии Исломии Эрон Абулфайз Ализода ба Муассисаи давлатии «Маркази ҷумҳуриявии илмии ҷарроҳии дилу рагҳо» омад.

Дар доираи сафар ба Маркази ҷумҳуриявии илмии ҷарроҳии дилу рагҳо, ки то 13 апрел идома меёбад, мавсуф ҳамзамон шаҳрвандонро қабул намуда, ба онҳо машварати ройгони тиббӣ медиҳад.

 АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Апрель 12, 2024 09:14

Хабарҳои дигари ин бахш

Намояндагони Тоҷикистон дар иҷлосияи 77-уми Маҷмаи умумии тандурустӣ иштирок доранд
РАВАНДИ ОБИ ДУШАНБЕ. Дар пойтахти Тоҷикистон Форуми сатҳи баланд таҳти унвони «Зан ва об» баргузор мешавад
Дар Душанбе рушди соҳибкории занон, мушкилот ва роҳҳои ҳалли онро баррасӣ намуданд
Кумитаи ҳолатҳои фавқулода ва мудофиаи граждании Тоҷикистон аз омадани сел ҳушдор медиҳад
Ҷамолиддин Абдуллозода ва Чин Ван Фечнао доир ба коркарди гиёҳҳои шифобахш мубодилаи афкор намуданд
Намояндагии Муассисаи федералии воҳиди давлатии «Хадамоти шиносномадиҳӣ ва раводид»-и Русия дар Тоҷикистон ифтитоҳ гардид
Дар ҷаласаи 28-уми Шурои роҳбарони мақомоти муҳоҷирати давлатҳои иштирокчии Иттиҳоди Давлатҳои Мустақил вазъи муҳоҷират баррасӣ шуд
Беҳтарин тараннумгарони Ватан муайян гардиданд
Душанбе мизбони ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил мегардад
ИМРӮЗ-РӮЗИ АДВОКАТҲО. Асоси ислоҳоти ниҳоди адвокатураи Тоҷикистонро Паёми Президенти Тоҷикистон ба Маҷлиси Олӣ ташкил медиҳад
«МАКТАБИ СИЁСИИ ПЕШВОИ МИЛЛАТ». Дар Кӯлоб Конференсияи IV байналмилалии илмӣ-назариявӣ баргузор гардид
Кумакҳои Пешвои миллат ба зарардидагони офати табиӣ дар ноҳияҳои Нуробод ва Рашт расиданд