ТАРБИЯИ ФАРЗАНД-МАСЪУЛИЯТИ ПАДАРУ МОДАР. Дар Донишгоҳи технологии Тоҷикистон дар ин мавзуъ вохӯрӣ доир шуд
ДУШАНБЕ, 30.04.2024. /АМИТ «Ховар»/. Дар Донишгоҳи технологии Тоҷикистон бо волидайн ва донишҷӯёни факултети технологияҳои иттилоотӣ ва интеллекти сунъӣ вохӯрӣ доир гардид, хабар доданд ба АМИТ «Ховар» дар ин донишгоҳ.
Дар вохӯрӣ ҷойгоҳи волидайн дар татбиқи ҳуҷҷатҳои меъёрӣ-ҳуқуқӣ, алалхусус «Консепсияи миллии тарбия дар Ҷумҳурии Тоҷикистон», Қонуни Ҷумҳурии Тоҷикистон «Дар бораи тарбияи ватандӯстии шаҳрвандон», Қонуни Ҷумҳурии Тоҷикистон «Дар бораи масъулияти падару модар дар таълим ва тарбияи фарзанд», Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва якчанд стратегияҳои давлатии дар самти тарбия қабулгардида шарҳ дода шуд.
Таъкид гардид, ки барои ҳамаҷониба омода намудани мутахассисони рақобатпазир дар ҷаҳони имрӯза ҳамкории волидайн бо донишгоҳ барои омӯзгорон бисёр муҳим мебошад.
Гуфта шуд, ки ҳамзамон вохӯрӣ бо волидайн дар рушди муҳити таълимӣ ва фаъолияти ҷамъиятии донишҷӯён иқдоми нек аст. Волидайн даъват шуданд, ки нисбат ба иштироки фарзандонашон дар дарсҳо, тартибу интизоми онҳо, риояи дастурамали либосҳои тавсиявӣ барои донишҷӯён, фаъолнокии онҳо барои иштирок дар озмунҳои ҷумҳуриявии «Илм – фурӯғи маърифат», «Тоҷикистон – Ватани азизи ман», «Фурӯғи субҳи доноӣ китоб аст» ва дигар озмунҳои фаннӣ бетараф набуда, пайваста аз вазъи таҳсил ва иштироки фарзандон дар дарсҳо огоҳ бошанд.
Дар интиҳои вохӯрӣ волидайни донишҷӯён ба роҳбарияти донишгоҳ изҳори сипос намуда, таклифу пешниҳодҳояшонро манзур намуданд. Ҳамзамон донишҷӯён таклифу пешниҳодҳояшонро оид ба дастоварду имконият ва мушкилоту норасоиҳо иброз доштанд.
Роҳбарияти донишгоҳ бо боварӣ иброз доштанд, ки таклифу пешниҳодҳои волидайн ва донишҷӯёнро омӯхта, дар ҳамкорӣ бо волидайн кӯшиш менамоянд, ки кадрҳои баландихтисос ва дорои ахлоқи намунавӣ омода намоянд.
АКС: Донишгоҳи технологии Тоҷикистон
Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
