Дар шаҳри Хоруғ имконияти хизматрасонӣ ба аҳолӣ беҳтар мегардад

Май 18, 2024 14:56

ДУШАНБЕ, 18.05.2024. /АМИТ «Ховар»/. Дар заминаи омодагӣ ба таҷлили сазовори 35-солагии Истиқлолияти давлатии Ҷумҳурии Тоҷикистон дар шаҳри Хоруғ соҳибкорони ватанӣ кӯшиш доранд, ки барои аҳолӣ шароиту имконияти муосири хизматрасонӣ фароҳам оранд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.

Ин иқдоми ватандӯстонаи соҳибкорон имкон медиҳад, ки ба сокинон, ҳамзамон ба сайёҳони дохиливу хориҷӣ имконияти муосири хизматрасонӣ пешкаш шуда, ҷойҳои нави корӣ таъсис дода шаванд.

Бояд гуфт, ки дар доираи таҷлили сазовори 35-солагии Истиқлоли давлатии Тоҷикистон ва Солҳои рушди саноат (2022-2026) то охири соли 2024 дар Вилояти Мухтори Кӯҳистони Бадахшон 270 иншоот ба истифода дода мешавад.

Ҳоло дар шаҳру ноҳияҳои вилоят сохтмони 355 иншооти таъйиноти гуногун идома дошта, дар байни онҳо иншооти стратегӣ, аз қабили қитъаҳои роҳи Душанбе-Хоруғ-Кулма аз маркази ноҳияи Дарвоз то даромадгоҳи ноҳияи Рӯшон ва мавзеи Барсеми ноҳияи Шуғнон, пули калон дар шаҳри Хоруғ, Неругоҳи барқи обии «Себзор» дар ноҳияи Роштқалъа бо маблағи 3,6 миллиард сомонӣ аз бузургтарин иншоот ба ҳисоб мераванд.

София ШОИК,
АМИТ «Ховар»

АКС: Рӯзномаи «Нигини Хоруғ»

Май 18, 2024 14:56

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
35-СОЛАГИИ ИСТИҚЛОЛИЯТИ ДАВЛАТӢ. Роҳи мошингарди Деҳмой-Конибодом ба масофаи 51 километр навсозӣ мешавад
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар Хуҷанд лоиҳаҳои иншооти дар соҳили Сирдарё бунёдшаванда муаррифӣ гардиданд
Ҷамъияти дорои масъулияти маҳдуди «Баҳор» дар Душанбе ду тарабхонаи дигар месозад
Дар шаҳри Истаравшан бинои таълимии ба номи Садриддин Айнӣ навсозӣ мегардад
ОМОДАГӢ БА СОЛИ НАВИ ХОНИШ. Имсол дар Тоҷикистон 138 муассисаи таҳсилоти умумӣ ва бинои иловагӣ ба истифода дода мешавад
Пешвои миллат Эмомалӣ Раҳмон дар ноҳияи Сино бинои тарабхонаи «Баҳор — Форел»-ро мавриди истифода қарор доданд
Президенти мамлакат Эмомалӣ Раҳмон дар ноҳияи Сино ҶДММ «Ҷавоҳироти заргарии Зарафшон»-ро ба истифода доданд
Сарвари давлат Эмомалӣ Раҳмон марҳилаи дуюми Корхонаи истеҳсоли халтаҳои полипропиленӣ, платаҳои чопӣ ва фурӯзонакҳои диодии ҶДММ «Ғаюр Гуруҳ»-ро ифтитоҳ намуданд
Пешвои миллат Эмомалӣ Раҳмон дар ноҳияи Исмоили Сомонӣ корхонаи истеҳсоли маҳсулоти нонию қаннодии ҶДММ «Нонпаз»-ро ба истифода доданд
Дар шаҳраки Бӯстони ноҳияи Мастчоҳ Маркази дандонпизишкӣ ба истифода дода шуд